अमेरिकासहित विश्वका विभिन्न मुलुकले यमनस्थित हुथी विद्रोहीमाथि गरेको आक्रमणमा परी कम्तिामा ४० जनाको मृत्यु भएको छ।
समाचार संस्था रोयटर्सका अनुसार यमनमा १३, सिरिया र इराकमा रहेको रिभोल्यूशनरी गार्ड्स कोर (आईआरजीसी) को कुद्स फोर्स तथा इराक र सिरियामा हुथी विद्रोहीसँग सम्बन्धित क्षेत्रमा गरी ३६ ३६ स्थानमा अेमेरिका, बेलायतसहित विश्वका ८ मुलुकले शुक्रवार र शनिवार आक्रमण गरेको हो।
अमेरिका, बेलायत, अस्ट्रेलिया, बहराइन, क्यानडा, डेनमार्क, नेदरल्यान्ड्स र न्यूजिल्यान्डले संयुक्त बयान जारी गर्दै हुथी विद्रोही रहेका विभिन्न स्थानमा आक्रमण गरिएको र कम्तिमा ४० जनाको मृत्यु भएको दावी गरेका छन्।
रातो समुद्र हुँदै जाने जहाजमाथि हुथी विद्रोहीले आक्रमण गरेको भन्दै आक्रमण गरिएको अमेरिकाको सुरक्षा निकायले जनाएको छ।
अमेरिकाका रक्षा मन्त्री लयड अस्टिनले यो सामूहिक कारबाही हुथी विद्रोहीका लागि सन्देश रहेको बताएका छन्। उनले अन्तर्राष्ट्रिय मालबाहक जहाज र नौसैनिक जहाजमाथि हुथी समूहले आक्रमण गर्न बन्द नगरे भयावह नतिजा भोग्न तयार रहन पनि चेतावनी दिए।
यसैबीच, अमेरिकी आक्रमणलाई ईरानले ‘रणनीतिक गल्ती’ बताएको छ।
ईरानको विदेश मन्त्रालयले अनुसार सीरिया र इराकमाथि गरिएको आक्रमणले उक्त क्षेत्रमा तनाव उत्पन्न हुनुका साथै अस्थिरता बढ्नुबाहेक कुनै उपलब्धी हासिल नहुने बताएको छ।
प्रकाशित: २१ माघ २०८० ११:०८ आइतबार