काठमाडौं । सगरमाथा जलविद्युत कम्पनी लिमिटेडले तेस्रो वार्षिक साधारण सभा पुस २५ गते गर्ने भएको छ । सभा कुण्डलिनी दरबार ब्याक्वेट चण्डोल काठमाडौंमा अपरान्ह १ बजे शुरु गर्ने कम्पनीले जानकारी दिएको हो । सभाले गत आवको वार्षिक प्रतिवेदन छलफल गरी पारित गर्नुका साथै चालू आवको लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
सभाले यस कम्पनी र अन्य जलविद्युत कम्पनी एक आपसपमा गाभ्ने गाभिने वा प्राप्ती गर्ने सम्बन्धी सम्पूण कार्य गर्नका लागि सञ्चालक समितिलाई अख्तियारी प्रदान गर्ने प्रस्ताव पारित गर्नेछ । त्यस्तै सभाले हाल कायम चुक्ता पूँजीको शत प्रतिशत अर्थात १ः१ अनुपातमा हकप्रद शेयर निष्कासन गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले पुस १२ गते एक दिन बुक क्लोज गर्ने जानकारी दिएको छ । यस बुक क्लोजको आधारमा पुस ११ गते सम्म कायम शेयरधनी साधारण सभामा भाग लिन सक्नेछन् ।