राष्ट्रिय स्वतन्त्र पार्टी (रास्वपा) का सभापति रवि लामिछानेले फरार रहेका जिबि राईलाई सरकारले समात्न नसकेको आरोप लगाएका छन्।
भरतपुर विमानस्थलमा शुक्रबार पत्रकारहरुसंगको भेटमा लामिछानेले फरार रहेका जिबि राईलाई सरकारले समात्न नसकेको बताएका हुन्।
पत्रकारहरुले लामिछानेलाई कस्को संरक्षणमा जिबि राईलाई समात्न सकिएन भन्दै प्रश्न गरेका थिए। पत्रकारको प्रश्नमा लामिछानले राज्यका कारण समात्न नसकेको उत्तर दिए। ‘समात्न सरकार लाग्नुप¥यो हामी सघाउन तयार छौँ। जो सँग शक्ति छ उसको संरक्षणका कारण नसमातिएको हुन सक्छ उनले भने।’ उनले आफू डेढ वर्ष अघिदेखि सो संस्थामा नभएको स्पष्ट पारे। लामिछानेले चितवनका सहकारी पीडितसँग समेत भेट गरेका छन्।
यसअघि लामिछाने सहभागी रहेको ग्यालेक्सी फोर के टेलिभिजनमा सहकारी बचतकर्ताको लगानी रहेको थियो। त्यतिखेर लामिछाने टिभीका प्रबन्धक निर्देशक थिए। सहकारी सञ्चालक समितिका अध्यक्ष जिबि राई फरार छन्।
प्रकाशित: ५ माघ २०८० १६:३८ शुक्रबार