बारा । नेपाल भारतसँग जोडिएको मटिअर्वा नाका खोलाउन चाडै पहल गरिने वीरगन्ज भारतीय महावाणिज्य दुत देवि सहाय मिनाले बताएका छन् । शनिवार मटिअर्वा नाकाको
स्थलगत अवोलकन गर्दै महावाणिज्य दुतले बन्द रहेको नाका चाडै खोलाउने पहल गर्ने बताए ।

नेपाल भारत मैत्री संघ मधेश प्रदेशले आयोजना गरेको स्वागत कार्यक्रममा आएका महावाणिज्य द्तले स्थानिय प्रशासनसँग छलफल गरि स्थानियले भोग्दै आएको समस्या ’bout बुझेका थिए ।

नेपाल र भारतसंग रोटीबेटीको सम्बन्ध निरन्तर कायम राख्न आफुबाट हुने हरेक सहयोग गर्ने महावाणिज्य दुत मिनाले बताए । बोर्डरबाट सहज ओहर दोहर गर्न वतावरण मिलाउने पहल गर्ने उनले बताए । बिहेबारी लगायत कुनै पनि कार्यमा सहज रूपले सवारीसाधन ओहर दोहर गर्ने भारतको पक्षबाट नरोकिए पनि नेपाल सरकारसंग आवश्यक पहल गरि नाका सुचारु गराउने प्रतिवद्वता गरेका छन् ।

मटिअर्वा नाका सिधै भारतसंग मोतिहारी, पटना लगायतको शहरसंग जोडिएकोले नेपालीवासीहरूलाई भारतमा किनमेल, उपचार गराउन, तिर्थ जान सहज हुने गरेको कलैया वडा १० का वडाध्यक्ष साविर आलमले बताएका छन् । सरकारको निर्देशनमा नाका बन्द गरिएकोले स्थानीय तवरबाट मटिअर्वा नाका खोलाउन केही गर्न नसकेको उनको तर्क रहेको छ ।

देशमा महामारीको रूपमा रहेको कोरोना नियन्त्रण गर्न प्रशासनले नेपाल भारत सिमाना स्थित मटिअर्वा बोर्डर बन्द गरेको थियो । कोरोनाकालमा नेपाल बाहिरबाट स्वदेश छिर्नेको संख्या बढेसंगै कोरोना नियन्त्रण गर्न सरकारले नाका सिल गरेको थियो ।

सरकारले कोरोनाकालमा सिल गरेको नाका कोचर्वा, झरोखर सिम्रौनगढ, ननसगरा घाट, पिपरपाती, बेनौली, बेल्लारी, बरैनिया, छतवा, बिश्रामपुर लगायतबाट दुई पङ्गे बाहेक ठुला सवारी साधन आवत जावतमा प्रतिबन्ध लगाएको छ ।

मटिअर्वा नाकाबाट ठुला सवारी साधन बन्द भए देखि भारतबाट आउने जानेले समस्या भोग्दै आएको नागरिक समाज बाराका अध्यक्ष उमेशलाल दास बताउछन् । भारतको लगानीमा निर्माण भईरहेको मानवत मटिअर्वा सडक खण्ड निर्माण भईरहेको महत्व त्यही बेला हुने छ, जव सर्वसाधारण सहज रूपमा सवारी साधन ओहर दोहर गर्न पाओस । नत्र भारतको लगानी औपचारिकता मात्र सिमित रहने उनले बताए ।

आउदो वर्ष पञ्चवर्षीय गढीमाई मेला लाग्ने भएकोले नेपाल सरकारसंग समन्वय गरि चाडै नाका सुचारु गर्न महावाणिज्य दुतले चाडै एक्सन लिन नागरिक समाजका अध्यक्ष दासले आग्रह गरेका छन् ।

नेपाल भारत मैत्री संघ मधेस प्रदेशका अध्यक्ष रणधीर सिंहको अध्यक्षतामा भएको कार्यक्रममा भारतीय महावाणिज्यदूत देवी सहाय मीना, भारतीय महावाणिज्य दूत शशिभूषण कुमार, नेपाल भारत मैत्री संघका पूर्व केन्द्रीय अध्यक्ष राजकुमार सिन्धी, नागरिक समाज बराकाका अध्यक्ष उमेशलाल दास, नेपाल भारत मैत्री संघका अध्यक्ष डा. बराकाका अध्यक्ष हिरालाल साह, दावर नेपालका महाप्रबन्धक कैलास चौरसिया, पतञ्जली नेपालका महाप्रबन्धक युवराज सुवेदी, सल्लाहकार जंगबहादुर यादव, विजय जैसवाल, रामबाबु कुशवाहा, सुरेश मोडक, धनीलाल सराफ, प्रेस सङ्गठन नेपाल साह बराहलगायतको उपस्थिति रहेको थियो । अभिन्युज टेलिभिजन र राजधानी दैनिक र मधेस प्रदेश सचिव पवन अग्रवाले उपस्थित थिए।

(70 पटक भ्रमण गरिएको, आज 5 भ्रमणहरू)