काठमाडौं । सिटिजन्स म्युचुअल फण्डअन्तर्गत सञ्चालित सिटिजन्स म्युचुअल फण्ड मङ्सिर मसान्तसम्म २ करोड ९५ लाख रुपैयाँभन्दा बढी नोक्सानीमा छ ।
कात्तिक मसान्तसम्म योजना ४ करोड ९६ लाख रुपैयाँभन्दा बढी नोक्सानीमा छ । आम्दानी ऋणात्मक अवस्था घटेसँगै योजनाको नोक्सानी घटेको हो ।
कात्तिक मसान्तसम्म योजनाको आम्दानी ४ करोड ६२ लाख रुपैयाँभन्दा बढी ऋणात्मक थियो । मङ्सिर मसान्तसम्म भने योजनाको आम्दानी रकम २ करोड ५३ लाख रुपैयाँभन्दा बढी ऋणात्मक छ ।
कात्तिकको तुलनामा मङ्सिरमा खर्च भने बढेको छ । कात्तिकमा ३३ लाख ९४ हजार रुपैयाँ खर्च गरेको योजनाले मङ्सिरमा ४१ लाख ९९ हजार रुपैयाँ खर्च गरेको छ ।
सात वर्षे अवधिको यस योजनाले ५ करोड ६० लाख कित्ता इकाई जारी गरेको थियो । यस योजनाको प्रतिइकाई मूल्य मङ्सिर मसान्तसम्म ९ रुपैयाँ ४७ पैसा कायम छ । यो मूल्य कात्तिक मसान्तसम्म ९ रुपैयाँ ११ पैसा रहेको थियो । धितोपत्रमा लगानी गर्ने मुख्य उद्देश्यसहित सञ्चालित यस योजनाले ५५ करोड ६२ लाख ४३ हजार रुपैयाँ लगानी गरेको छ ।
योजनाले धितोपत्रमा गरेको लगानीको बजार मूल्य भने कम छ । बैंक मुद्दती निक्षेपमा १ करोड रुपैयाँ लगानी गरेको योजनाको धितोपत्रमा भएको लगानीको बजार मूल्य भने ४५ करोड ८४ लाख ८४ हजार रुपैयाँ छ ।