काठमाडौं । नेपाल ललितकला प्रज्ञा प्रतिष्ठानको प्रदर्शन हलमा ‘कनेक्टिङ कल्चर थ्रु आर्टस्’ शिर्षकमा चित्रकला मँगलबारबाट प्रदर्शन सुरु भएको छ । यी चित्रहरु नेपाल र जर्मनीका कलाकारहरूको सहभागितामा नेपाल ललितकला प्रज्ञा–प्रतिष्ठानमा २२ र २३ माघमा भएको ‘अन्तर्राष्ट्रिय कला कार्यशाला २०२४’ बाट सृजना गरिएको थियो । यो प्रदर्शनीको मँगलबार संस्कृति, पर्यटन तथा नागरिक उड्डयन राज्यमन्त्री सुशिला सिर्पाली ठकुरीले उद्घाटन गरेकी छिन् । सो समारोहमा नेपालका लागि इजरायलका राजदूत हनान गोदार र जर्मनी राजदुत डा. थोमस प्रिन्ज पनि अतिथि थिए ।
उद्घाटन समारोहमा बोल्दै संस्कृति पर्यटन तथा नागरिक उड्डयन राज्यमन्त्री सुशिला सिर्पाली ठकुरीले यस्ता खालका कार्यक्रमले नेपाल जर्मनबीच मित्रता कायम राख्न ठूलो भूमिका खेल्ने बताईन् । उनले कला र संस्कृतिले जनस्तरको सम्बन्धलाई मजबुत बनाउने भएकाले प्रदर्शनीको सफलता हुने विश्वास व्यक्त गरिन् ।
प्रतिष्ठानका कुलपति नारदमणि हार्तम्छालीले यस कार्यक्रमले नेपाल र जर्मनीबीचको सम्बन्ध अझ प्रगाढ बढाउने बताए,‘हामी जर्मनी नपुगे पनि यस्ता कार्यक्रमको माध्यमबाट अर्को देशको कला र संस्कृतिलाई बुझ्ने मौका मिलेको छ ।’ उनले कार्यक्रममा भने ।
प्रदर्शनीमा नेपालबाट नारदमणि हर्तम्चाली, लालकाजी लामा, देवेन्द्रकुमार काफ्ले ‘ठुम्केली’, पल्साङ्मो लामा, प्रदिप अधिकारी, सौरगंगा दर्शनधारी, दिनेश्वर महतो, सञ्जय वन्तवा, अरुणा हिन्दमान, संगी श्रेष्ठ, बृहस्पति कोषाध्यक्ष, कृष्णकुमार शाह, कृष्णकुमार खनाल, कृष्णकुमार खनाल, रामकुमार खनाल लगायतको सहभागिता रहेको थियो । धनबहादुर याखा, जीवन राजोपाध्याय, नविन्द्रमान राजभण्डारी, कीर्तिकौशल जोशी, केशवराज खनाल, मुकेश श्रेष्ठ, नारायणप्रसाद बोहजु, प्रमिला बज्राचार्य, यज्ञकार राजभण्डारी, किरण सिगु, जुजुकाजी श्रेष्ठ ‘प्रभात’, नेम्वाङ बहादुर महरा, कृष्णबहादुर महरा, कृष्णबहादुर महरा, नारायणप्रसाद बोहजु, प्रभात । रिति चन्द शाह, सुनैना ठाकुरलाई कला प्रदान गरिएको छ ।
यस्तै जर्मनीका कलकारहरू बोट्टी हान्स हेमान्न बोटेनबोर्च, होल्गे एचेन्बाच, एलेजेन्ड्रा बिसी बेटेनबोर्च, एलेजेन्ड्र इलाईजर, इलाउस फोटिङगरलगायतका कलाकारको चित्रकला प्रदर्शनी गरिएको छ । यही प्रदर्शनका लागि जर्मनी कलाकारहरु नेपाल आएका छन् । प्रदर्शनी फागुन १४ गतेसम्म चल्नेछ ।
(११ पटक भ्रमण गरिएको, आज ११ पटक भ्रमण गरिएको)