काठमाडौं ।नबिल म्युचुअल फण्ड अन्तर्गत सञ्चालित नबिल इक्वीटी फण्ड,नबिल ब्यालेन्सड् फण्ड २,नबिल फ्लेक्सी क्याप फण्ड र नबिल ब्यालेन्सड् फण्ड ३ ले साउन मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार यी चार ओटै फण्डको न्याभ असार महीनाको तुलनामा साउन महीनामा घटेको छ ।
नबिल इक्वीटी फण्डको न्याभ असार मसान्तमा १० रुपैयाा ८१ पैसा रहेकोमा साउन मसान्तमा १० रुपैयाँ ५८ पैसामा झरेको हो । त्यस्तै नबिल ब्यालेन्सड् फण्ड २ को न्याभ असार मसान्तसम्ममा १० रुपैयाँ ९९ पैसा रहेकोमा साउन मसान्तमा बढेर १० रुपैयाँ ६१ पैसा कायम भएको छ ।
नबिल फ्लेक्सी क्याप फण्डको न्याभ साउन मसान्तमा ९ रुपैयाा ६९ पैसा पुगेको छ । यस फण्डको न्याभ असार मसान्तमा भने ९ रुपैयाँ ९० पैसा थियो ।
त्यस्तै नबिल ब्यालेन्सड् फण्ड ३ को न्याभ असार मसान्तमा ९ रुपैयाँ १४ पैसा रहेकोमा साउन मसान्तमा घटेर ८ रुपैयाँ ९० पैसामा कायम भएको हो । यस फण्ड साउन मसान्तसम्ममा रू. ३ करोड २ लाख नोक्सानीमा रहेको छ । असार मसान्तमा भने फण्ड रू. ७ करोड १४ लाख नाफामा थियो । साउन महीनामा फण्डको जम्मा आम्दानी ऋणात्मक रहेकाले नोक्सानीमा गएको हो । यस फण्डले साउन मसान्तसम्ममा सूचीकृत शेयरमा रू. ७२ करोड ३२ लाख लगानी गरेको छ ।
नबिल फ्लेक्सी क्याप फण्डले साउन मसान्तसम्ममा सूचीकृत शेयरमा रू. २३ करोड ६० लाख लगानी गरेको छ । यो लगानी अुसार मसान्तमा भने रू. २० करोड ४९ लाख थियो । त्यस्तै फण्डको नोक्सानी असार महीनाको तुलनामा साउन महीनामा बढेको छ । असार मसान्तसम्ममा फण्ड रू. ४३ लाख १५ हजार नोक्सानीमा रहेकोमा साउन मसान्तमा बढेर रू. १ करोड भन्दा बढी पुगेको छ ।
नबिल ब्यालेन्सड् फण्ड २ ले असार मसान्तसम्ममा सूचीकृत शेयरमा रू. ८८ करोड १७ लाख लगानी गरेकोमा साउन मसान्तमा रू. ८१ करोड ९३ लाख गरेको हो । यस फण्ड असार मसान्तमा रू. १० करोड भन्दा बढी नाफामा भएकोमा साउन मसान्तमा भन रू. ४ करोड २९ लाख नोक्सानीमा रहेको हो ।
नबिल इक्वीटी फण्ड पनि साउन मसान्तमा रू.२ करोड ८५ लाख नोक्सानीमा रहेको छ । यस फण्ड असार मसान्तमा भने रू. ८ करोड ९९ लाख नाफामा थियो । यस फण्डले साउन मसान्तसम्ममा सूचीकृत धितोपत्रमा रू. ७१ करोड ६४ लाख लगानी गरेको छ ।
नबिल इक्वीटी फण्डको रिपोट हेर्न यहाँ क्लिक गर्नुहोस
नबिल ब्यालेन्सड् फण्ड २ को रिपोट हेर्न यहाँ क्लिक गर्नुहोस
नबिल यालेन्सड् फण्ड ३ रिपोट हेर्न यहाँ क्लिक गर्नुहोस
नबिल फ्लेक्सी क्याप फण्डको रिपोट हेर्न यहाँ क्लिक गर्नुहोस