काठमाडौं । बुधवार नेपाल स्टक एक्सचेन्ज नेप्सेमा हिमालयन क्यापिटलले निष्कासन गरेको हिमालयन ८०–२० नामक सामुहिक लगानी कोष योजनाको इकाई सुचिकृत भएको छ ।  फण्डको १० करोड इकाई सुचिकृत भएको हो ।अब फण्डको इकाई बिहिबारबाट कारोबार गर्न सकिने छ । 

क्यापिटलले साउन ३२ गतेदेखि हिमालयन म्युचुअल फण्ड अन्तर्गत संचालन हुने गरि हिमालयन ८०–२० नामक बन्दमुखी म्युचुअल फण्ड योजनाको इकाई निष्कासन गरेको थियो ।  यस योजनाको आकार १ अर्ब रहेको छ ।  क्यापिटल प्रति इकाई १० रुपैयाँको दरले फण्डको १० करोड इकाई निष्कासन गरेको हो ।

यस “हिमालयन ८०–२०” नामक योजनाको कुल लगानी मध्ये ८० प्रतिशत  पुंजी तथा वित्त बजारका दीर्घकालीन लगानी मार्फत कम्पाउन्डिङ्ग प्रतिफल सहितको मुनाफा आर्जन गर्ने तथा बाँकी २० प्रतिशत पुंजी तथा वित्त बजारको उतार चढावमा प्रतिबिम्बित भई सक्रिय लगानी व्यवस्थापन गर्ने सिद्धान्तको आधारमा संचालन गरि लगानी कर्ताहरुलाई उच्चतम प्रतिफलको अनुभव प्रदान गर्ने गरि संचालन गर्ने कोष व्यवस्थापक, हिमालयन क्यापिटल लिमिटेडले जनाएको छ ।