काठमाडौं । नबिल म्युचुअल फण्डअन्तर्गत सञ्चालित नबिल ब्यालेन्सड् फण्ड २ ले कात्तिक मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्डले कात्तिक मसान्तसम्ममा सूचीकृत शेयरमा रू. ७६ करोड ७८ लाख लगानी गरेको छ । यो लगानी असोज मसान्तमा रू. ७६ करोड ८१ लाख थियो ।
कात्तिक मसान्तमा फण्ड रू. ११ करोड १८ लाख नोक्सानीमा छ । असोज मसान्तमा पनि फण्ड रू. १० करोड ९३ लाख नोक्सानीमा थियो । यस आधारमा फण्डको नोक्सानी असोजको तुलनामा कात्तिकमा बढेको छ । कात्तिकको फण्डको खर्चमा वृद्धि भएकाले नोक्सानी बढेको हो ।
असोज मसान्तमा फण्डको जम्मा खर्च रू. ५६ लाख २१ हजार रहेकोमा कात्तिक मसान्तमा बढेर रू. ७१ लाख ५७ हजार पुगेको छ । त्यस्तै कात्तिक मसान्तमा फण्डको जम्मा आम्दानी रू. १० करोड ४६ लाख ऋणात्मक छ । त्यस्तै फण्डको न्याभ असोज मसान्तमा ९ रुपैयाँ ०६ पैसा रहेकोमा कात्तिक मसान्तमा ९ रुपैयाँ ०४ पैसा कायम भएको छ ।