बारा । नेपाल कै जेठो विधालय मध्ये श्री ३ चन्द्र उच्च माध्यमिक विद्यालय जीर्ण अवस्थामा रहेको थियो । विक्रम सम्बत १९८४ मा स्थापना भएको ३ चन्द्र उच्च माध्यमिक विद्यालय जीर्ण भवन भत्काई अग्रवाल फाउन्डेसनले ४ करोडको लागतमा तीन तल्ले सुविधा सम्पन्न भवन निर्माण गरेको छ ।

भवन हस्तान्तरण कार्यक्रममा बोल्दै अग्रवाल फाउन्डेसनका अध्यक्ष पवन अग्रवालले आफ्नो बुवा नपढे पनि हामीलाई जति पढन मन छ पढ भनेर हौसला दिने गरेको सुनाए । करिव ८० वर्ष पहिला बुवा ताराचंद अग्रवालको अवस्था मध्यम रहेको उनले बताए । बुवा मेहनती थिए । रातदिन काम गरि हामीलाई हुर्काएको स्मरण गरे । उनलाई समाज सेवा गर्न धेरै नै ईच्छा रहेकोले प्रत्येक शिवरात्रीमा गरिव असहायलाई कपडा वितरण गर्ने गर्थे ।

बुवाले एउटा व्यापारीसँग तिसिको व्यापार गरे जसमा घाटा व्यवहोरे र पाच वर्ष आर्थिक सङ्कटबाट गुज्रे तर पनि संघर्षसँग लडदै अगाडी बढे त्यसबाट आफुले धेरै पाठ सिकेको अध्यक्ष अग्रवालले बताए । आर्थिक सङ्कटको बावजुद पनि बुवाले कसैको एक पैसा राख्नु भएन, त्यो हिम्मतले धेरै कुरा सिखाएको उनले बताए ।

२०३२ सालमा आफुले यसै विद्यालयबाट एस एल सी दिएको अध्यक्षले बताए । आफुलाई अहिले पनि सम्कझना रहेको शिक्षक साह, कृष्ण पाण्डे लगायत शिक्षकले पढाएको दिनहरु स्मरण गरेका थिए ।

समाजको लागि धेरै गर्न ईच्छा राख्ने बुवाको चाहना साकार भएको देखेर अग्रवाल परिवार हर्षित भएको उनले बताए । विधालय झन अगाडी बढोस आउने पिढि हामी भन्दा पनि अगाडी बढन आकाङ्क्षा राखेको फाउन्डेसनको अध्यक्ष अग्रवालले बताए ।

विधालयमा दुई वटा आधुनिक कॉन्फ्रेंस कक्षा बनाउने योजना रहेको छ जाहा विधार्थीहरू पढाइको अलावा एक आपसमा छलफल गर्न सजिलो होस । विधालयले आउने वर्षमा विधालयमा चार हजार विधार्थी अध्ययन गर्ने सोच राखेको उनले बताए ।

कलैया उपमहानगरपालिका परिवार, श्री ३ चन्द्र विद्यालय परिवार, प्रमुख जिल्ला अधिकारी शशिधर प्रहारी, अधीक्षक सुरेश काफ्ले, संविधानसभा सदस्य प्रमोद गुप्ता, पूर्व प्रदेश सदस्य पारस साह, नगर प्रमुख विनोद साह, विद्यालय प्रशासन समितिका अध्यक्ष हरिओम साह, शिक्षक, सर्वसाधारण । प्रतिनिधि सभाका अध्यक्ष अग्रवालले समाजसेवीहरुले आयोजना गर्ने अभिनन्दन कार्यक्रममा विद्यार्थी सदैव ऋणी हुनुपर्ने बताए ।

पत्नी निलिमा अग्रवाल, छोरी निकिता अग्रवाल, दाजु बजरङ्ग अग्रवाल, दाजुका ज्वाई अशिष अग्रवाल, दिदिको छोरी हर्षिता खान, दाइको छोरा डा अमित अग्रवाल, लक्ष्मण अग्रवाल, निरञ्जन अग्रवाल लगायतको टिमले विशाल भवन बनाउन सफल भएको उनले बताए ।

भवन हस्तान्तरण कार्यक्रममा शुभकामना दिदै संविधान सभा सदस्य प्रमोद गुप्ताले कुनै पनि देशको विकासको लागि शिक्षामा परिवर्तन गरे मात्र विकास सम्भव रहेको उनले बताए । फाउन्डेसन परिवारले विदेशमा भएर पनि स्वदेशको विकासको लागि लगनशिलता देखाएकोमा प्रशंसा गरेका थिए ।

यस विधालयबाट शिक्षा हासिल गरि डाक्टर बनेर अमेरिकामा सेवा गरिरहेका अग्रवाल परिवारले अध्ययन गरेको विधालयको रिऋ तिर्न नव भवन निर्माण गरेको संविधान सभा सदस्य गुप्ताले बताए ।

देश समाजलाई बदल्न हामी सबैले आफ्नो सोच जब सम्म न बदले परिवर्तन सम्भव नरहेको पुर्व प्रदेश सदस्य पारस साहले बताए । अग्रवाल परिवार विदेशमा बसेर शैक्षिक स्तर आधुनिक देखेर आएको परिवर्तन आफु जन्मेको ठाउको विकासको लागि प्रयोग गर्ने सोचले सहयोग गरेको उनले बताए ।

अग्रवाल परिवार अध्यन गरेको वर्षौ पुरानो श्री ३ चन्द्र विधालयको स्वरुप परिवर्तन गर्न करोडौ खर्चेर जीर्ण भवन बनाएका छन् । विधावयमा १६ वटा कक्षा कोठा रहेको छ । सम्पूर्ण कक्षा कोठामा सिसिटिभी क्यामरा सहित डिजिटल बोर्डमा विधार्थीहरूलाई शिक्षण गराउने विधालय व्यवस्थापन समितिका अध्यक्ष हरिओम साहले बताएका छन् । विधालय परिसर सिसिटिभीको निगरानीमा राखिएको छ, जसले शिक्षक, विधार्थीको निगरानी गरिने आयोजकले बताए ।

श्री ३ चन्द्र विधालय राणाकालमा श्री ३ चन्द्र शमशेर राणाले बनाएको देशको दोश्रो विधालय समेत रहेको छ । यस विधालयबाट तत्कालीन राणा, राज परिवारले अध्ययन गरेको इतिहास रहेको छ । यस विधालयमा अध्ययन गरेका अधिकाश विधार्थीहरू देशको ठुलठुला नेतृत्वमा पुगेको इतिहास रहेको छ ।

हाल श्री ३ चन्द्र विधालयमा व्यवस्थापन, शिक्षा संकाय लगायतको अध्यापन समेत हुने गरेको छ । यस विधालयमा करिव दुई हजार छात्रछात्रा अध्ययन गरिरहको विधालयका व्यवस्थापन समितिका अध्यक्ष हरिओम साहले जानकारी गराएका छन् । कार्यक्रमको संचालन ब्रहमकुमारी गंगा बहनले गरेकी थिइन ।

(३८ पटक भ्रमण गरिएको, आज ३८ पटक भ्रमण गरिएको)