काठमाडौं । अभिनेत्री रेखा थापा यतिबेला अमेरिकामा छिन् । उनी सुत्केरी हुनको लागि अमेरिका गएकी हुन् । अमेरिका जाँदै गर्दा उनले आफ्नो चलचित्र उपहारको रिलिज २५ फागुनमा गरिने घोषणा गरिन् । तर यतिबेला यो चलिचत्र अलपत्र परेको छ ।
फागुन २५ बाटै अरु दुई चलचित्र काँडेतार र रँगेली पनि रिलिज हुँदैथिए । सोही मितिमा यी दुई फिल्मसँग अभिनेत्री रेखाले आफुद्धारा निर्मित चलचित्र उपहार जुधाउने निर्णय गरिन् । उनले पनि २५ फागुनमै उपहार रिलिजको घोषणा गरिन् ।
यो चलचित्रका तीन नायिका रेखा थापा, पुजा शर्मा र बेनिशा हमाल हुन् । तर यी तीनै जना अहिले नेपालमा छैनन् । अभिनेत्री पुजा शर्मा आफ्नो फिल्म दान्भीको छायाँकनको लागि भारतको कालिपोङमा छिन् । अर्की अभिनेत्री बेनिशा हमाल पनि एउटा हिन्दी चलचित्रको छायाँकनमा भारत तिरै छिन् ।
अभिनेत्री रेखा थापा भने अमेरिकामा छिन् । उनी आमा बन्ने प्रतीक्षामा छिन् । फागुनमै सुत्केरी हुने यी अभिनेत्री चलचित्र उपहारको रिलिजमा नेपाल आउन सक्ने अबस्थामा छैन । यो फिल्मका अभिनेता मुकुन भुसाल पनि अर्को फिल्मको छायाँकनमा छन् ।
सोही कारण उपहारका निर्देशक ज्ञानेन्द्र देउजाले कलाकारको अभावमा यो चलचित्रको ट्रेलर रिलिज औपचारिक कार्यक्रम नै रद्ध गरेर युट्युवबाटै शुक्रबार फिल्मको ट्रेलर सार्वजनिक गरे । फिल्म रिलिजको समयमा कलाकारले साथ नदिँदा निर्देशक देउजा अहिले तनावमा छन् । यो फिल्ममा आफ्नो पनि आधा लगानी भएका कारण उनले तनाव झेल्नु परेको हो ।
त्यही मितिमा दुई नेपाली र दुई बिदेशी फिल्मसँग जुध्नु पर्ने अबस्था आएको र फिल्मको प्रचार प्रचारमा कलाकारको साथ नपाएपछि निर्देशक देउजा तनावमा छन् । फुर्सदमा रहेका अर्का अभिनेता तेज गिरी समेत यो चलचित्रको प्रचार सामग्रीमा आफ्नो तस्बिर नराखेको र नायिकाहरुलाई मात्रै महत्व दिएको भन्दै टिम प्रति सन्तुष्ट छैनन् । त्यसो त ट्रेलरको थम्बेल देखि चलचित्रको पोष्टरमा उनलाई समेटिएको छैन ।
यो चलचित्रमा रेखा थापा, पुजा शर्मा, मुकुन भुषाल, बेनिशा हमाल, तेज गिरी, समर्पणजंग कार्की, सुष्मा कार्की, शिशिर राणा, राजाराम पौडेल, किरण केसी, अंशु महर्जन, विनोद पौडेल, आशा भुुषाल, शोभारस घिमिरे, मन्जु श्रेष्ठ, कमल भट्ट, राइडर प्रशान्त र सरिता राजोपाध्यायलगायतको पनि अभिनय छ ।
(३२ पटक भ्रमण गरिएको, आज ३२ पटक भ्रमण गरिएको)