काठमाडौं । आजबाट सुरु भएको आइसीसी क्रिकेट विश्वकप लिग–२ को (२०२३–२०२७) को पहिलो खेलमा नामिबियाले नेपालको सामना गर्दैछ । नामिबियाले टस जितेर फिल्डिङ रोजेको छ । खेल त्रिविवि क्रिकेट मैदानमा बिहान ९ बजेबाट सुरु भएको हो ।
२०२७ मा हुने क्रिकेट विश्वकपमा छनौटको प्रक्रियाअन्तर्गत त्रिदिवसीय सिरिजको पहिलो सिरिज हो । आइसीसीले क्रिकेट विश्वकपमा छनौट हुन यसअघि (२०१९– २०२३) मा पनि यही फर्म्याटमा प्रक्रिया शुरु भएको थियो ।
लिग–२ मा ८ देश खेलिरहेका छन् । जसमा नेपालसहित नेदरल्याण्डस, नामिबिया, क्यानडा, ओमान, स्कटल्याण्ड, युएई र अमेरिका रहेका छन् । आइसीसीका अनुसार लिग–२ मा शीर्ष ४ स्थानमा रहने टिम विश्वकप क्वालिफायरमा छनौट हुने छन् भने पछाडी रहेका ४ देशले पनि विश्वकपमा छनौट हुने अवसर पाउने छन् ।
क्रिकेट विश्वकप लिग(२ को २०२३–२०२७ साइकलको शुरुवात नेपालबाट भएको हो । आजदेखि काठमाडौँमा नेपालसहित नामिबिया र नेदरल्याण्डसले त्रिकोणीय सिरिजको शुरुवात भएको हो ।
नेपाल क्रिकेट संघ (क्यान) ले यस सिरिजका लागि घोषणा गरेको टिममा दुई परिवर्तन गर्दै आफ्नो टिम बुधबार सार्बजनिक गरेको थियो । क्यानडाविरुद्धको एकदिवसीय सिरिजमा उत्कृष्ट प्रदर्शन गरेका अनिल र देवलाई क्यानले लिग(२ खेल्ने टिममा समावेश गरेको हो । क्यानले रिजन ढकाल र अर्जुन साउदलाई बाहिर राखेर अनिल र देवलाई टिममा समावेश गरेको छ ।
नेपाल क्रिकेट संघ (क्यान) ले लिग– २ मा अलराउन्डर दीपेन्द्रसिंह ऐरी, करण केसी र गुलशन झा पनि टिममा फर्किने छन् ।
लिग २ सिरिज खेल्ने नेपाली टोली – रोहित पौडेल (कप्तान), आसिफ शेख, देव खनाल, अनिल शाह, कुशल भुर्तेल, कुशल मल्ल, आरिफ शेख, पवन सराफ, भीम सार्की, दीपेन्द्र सिंह ऐरी, गुलशन झा, सोमपाल कामी, करण। केसी, ललित राजवंशी र सूर्य तामाराङ।
खेल तालिका:
फागुन ३ गते विहिबार– नेपालविरुद्ध नामिबिया
फागुन ५ गते शनिबार– नेपालविरुद्ध नेदरल्यान्ड्स
फागुन ७ गते सोमबार– नामिबियाविरुद्ध नेदरल्यान्ड्स
फागुन ९ गते बुधबार– नेपालविरुद्ध नामिबिया
फागुन ११ गते शुक्रबार– नामिबियाविरुद्ध नेदरल्यान्ड्स
फागुन १३ गते आइतबार– नेपालविरुद्ध नेदरल्यान्ड्स
(१९ पटक भ्रमण गरिएको, आज १९ पटक भ्रमण गरिएको)