उदयपुर । बैदेशिक रोजगारबाट फर्किएर पशु पालन ब्यवसाय गदैं आएका एक किसानको अज्ञात रोगबाट बाख्रा मरेका छन । १४ वर्ष अघि बैदेशिक रोजगारीमा मलेसिया पुगेर फर्किएपछि ब्यवसायीक रुपमा कृषि फर्म खोलेर पशु पालन गर्दै आएको उदयपुरको त्रियुगा नगरपालिका– १० बोक्सेका ५२ वर्षिय प्रेमबहादुर खड्काको अज्ञात रोगले १५ वटा ब्याउन लागेका उन्नत जात बोयर क्रसका बाख्रा र जर्सि गाईका एक बाच्छी एकै दिनमा मरेको हो ।

२०६१ सालमा बैदेशिक रोजगारीको सिलसिलामा मलेसिया पुगेर २०६५ सालमा फर्किएपछि उनले त्रियुगा नगरपालिका– १० बोक्सेस्थित आदर्श टोलमा २०६९ सालमा हिमचुली कृषि उद्यम केन्द्र दर्ता गरि ब्यवसायिक रुपमा बाख्रा तथा गाई पाल्दै आएका थिए ।

गत पुस १४ गते सनिवार एक्कासी एउटा बाख्रामा पखाला लाग्नु सुरु भएको थियो । त्यसपछि खोरमा भएका ३० वटा बाख्रामा पखाला लाग्नु थाल्यो, कृषक खड्का भन्छन । सबै बाख्रामा पखाला लाग्नु थालेपछि त्रियुगा नगर पशु शाखामा खबर गरेको उनी बताउँछन । नगर पशु शाखा र भेटेनरी अस्पताल पशु बिज्ञ केन्द्र बोक्सेलाई जानकारी गराएर हेराई औषधी गराउँदा गराउँदै एकै दिन १० वटा ब्याउने माउ बाख्रा मरेको उनी बताउँछन ।

बैदेशिक रोगजारीबाट फर्किएपछि ल्याएको पैसाले सुरुवात गरेको उनको हिमचुली कृषि उद्यम केन्द्रमा अहिले ३१ वटा ब्याउने उनन्त जातको बोयर क्रस बाख्रा रहेकोमा १५ वटा मरि सकेको र ७ वटा मर्ने तयारीमा रहेको उनी बताउँछन । ब्यवसायीक रुपमा पशु पालन गर्दै आएका उनीको कृषि फर्ममा ३१ वटा उन्नत जातको बोयर क्रस माउ बाख्रा, बोयर बोका र अन्य लोकल बाख्रा रहेको छ ।

सो फर्ममा दुई वटा दुध दिने जर्सि गाई पनि पाल्दै आएकोमा जर्सि गाईको बाच्छी समेत पखालाले मरेको छ । अन्य बाख्रा तथा गाई बिरामी रहेको खड्का बताउँछन । बाँकी रहेको बिरामी गाई तथा बाख्रा बोका बिरामी रहेकाहरुलाई उपचार गराई राखेको भएता पनि बाच्ने सम्भावना कम रहेको उनी बताउँछन ।

उनले पालेका उनन्त जातको बोयर क्रस बाख्राको बजार मुल्य ७० हजार एउटालाई पर्ने गरेको बताउँछन । मरेका सबै बाख्रा एक महिनापछि ब्याउन लागेका थिए । ती एउटा बाख्राले कम्तिमा दुई वटा देखि तीन वटा सम्म पाठा पाठी ब्याउने गरेको कृषक खड्का बताउँछन ।

तीन वर्ष अघि कुमारी बैंकबाट ४० लाख ऋण लिएर ब्यवसाय बढाउँदै आएका उनले पछिल्लो समय कुमारी बैंको ऋण चुक्ता गरि ग्लोबल आईएमई बैंक गाईघाट शाखाबाट ५० लाख ऋण लिएर गोठ सुधार तथा बाख्रा थपेका थिए । ब्यवसायिक रुपमा पशु पालन गर्दै आएको खड्कालाई अज्ञात रोगले करिब १५ लाख भन्दा बढीको क्षति भएको बताउँछन ।

अज्ञात रोगबाट परेको बाख्राको पोष्टमाड्म गर्न भेटेनरी अस्पताल तथा पशु बिज्ञ केन्द्र बोक्से लगिएको छ । अज्ञात रोगले मरेका बाख्राको पोष्टमाड्मपछि ल्याप परिक्षणका लागि बाहिर लैजानु पर्ने भेटेनरी अस्पताल तथा पशु बिज्ञ केन्द्र उदयपुरका कार्यालय प्रमुख रामनारायण साहले जानकारी दिए ।

ल्याब परिक्षणका लागि कोशी प्रदेश पशु स्वास्थ्य निर्देशानल बिराटनगरबाट प्राबिधिक टोली आउँदै गरेको बताउँछन । प्राबिधिक टोली आएपछि पोष्टमाड्म गरि ल्याब परिक्षणका लागि बिराटनगर पठाईने जनाएका छन । भेटेनरी अस्पताल तथा पशु बिज्ञ केन्द्र उदयपुरका प्रमुख रामनारायण साहका अनुसार ल्याब परिक्षणको रिर्पोट एक हप्तापछि आउने भएकाले के कारणले मरेको हो त्यो रिर्पोट आएपछि थाहा हुने बताए । उनी भन्छन घाँसमा पोईजन भएको हुन सक्ने अनुमान गरेको छ । बास्तबिक के हो रिर्पोटपछि थहा हुन्छ । उनका अनुसार १५-२० दिन अघि साउनेमा पनि यस्तै घटना भएको थियो ।

(१५ पटक भ्रमण गरिएको, आज १५ पटक भ्रमण गरिएको)