एनआइसी एसिया बैंकले आफ्नाबारे केही सञ्चार माध्यममा प्रकाशित तथा प्रसारित समाचारप्रति बैंकको गम्भीर ध्यानाकर्षण भएको जनाएको छ।
बैंकको संस्थागत सुशासन, कर्जाको गुणस्तर, कर्जा असुलीको अवस्था लगायत सञ्चालक समिति तथा उच्च व्यवस्थापनसँग सम्बन्धित विषयमा प्रकाशित समाचारहरू कपोलकल्पित तथा असत्य रहेको बैंकले जनाएको छ।
संस्थागत सुशासन, नियमनकारी व्यवस्थाहरूको परिपालना, समग्र वित्तीय सूचकांकमा बैंकको अवस्था, कर्जाको गुणस्तर तथा कर्जा असुलीको अवस्था, सञ्चालक समिति तथा बैंक व्यवस्थापनको कार्य कुशलता लगायत हरेक पक्षबाट बैंक सबै सरोकारवालाहरूको पहिलो रोजाइको बैंक बन्ने मिसनमा निरन्तर सफल हुँदै गइरहेको बैंकले जनाएको छ।
बैंकभित्र सञ्चालक समिति, उच्च व्यवस्थापन लगायतका कुनै तहमा कुनै पनि किसिमको असमझदारीको झिल्कोसमेत नरहेको र बैंकको सम्पूर्ण संरचना नै सदा झैं एकतावद्ध, दृढ, एवम् रूपान्तरणकारी दृष्टिले सबै सरोकारवालाको हित संरक्षण र सम्बर्द्धन गर्न मन, वचन र कर्मले अहोरात्र खटिरहेको जानकारी बैंकले दिएको छ।
प्रकाशित : ३ फागुन २०८० ०७:५९ बिहिबार