बैतडी । बैतडीको पाटन नगरपालिका ८ की चन्तरा महराको उमेर ६१ बर्ष पुग्यो । तर १ कक्षामा भएकी उनि नाती नातिनासंगै नियमीत रुपमा दैनिक विद्यालय आउँछिन् ।
सुरुसुरुमा नाती नातीनीहरुलाई पु¥याउन विद्यालयसम्म आउने गरेकी चन्तरा अहिले उनिहरुसँगै बढ्दै थालेकी हुन् ।
गत वैशाखमा जनता मावि आरुबाटामा भर्ना भएकी चन्तरा कक्षा १ मा भर्ना भएको विद्यालयका प्रधानाध्यापक राम कुवरले बताए । उमेरले नेटो काट्नै लागेको भएपनि बालबालिका झै भएर पढ्न थालेकी हुन् । उनि अहिले कविता पढ्ने, पढाउने र अक्षर चिनारी सिकिरहेकी छन् ।
विद्यालयका शिक्षकहरुले पढ्न सुझाव दिएपछि आफुपनि भर्ना भएको उनले बताइन् । ‘सरहरुले आमा तपाईपनि नाम लेख्न सम्म त सिक्नुहोला पढ्नुस् भन्नुभयो, मैले पनि भर्ना गरेर पढाई सुरु गरेकी हुँ । अहिले अक्षर चिन्न सके, १ कक्षामा पढाइने धेरै कुराहरु सिकिसके ।’ उनले भनिन् ।
विद्यालयका अतिरिक्त गतिविधिमा सरिक हुदाँ चन्तराले पढाईको महत्व पनि बुझ्दै गएकी छन् । उमेर छदैँ पढ्न नपाउदा उनलाई अहिले ठूलो पछुतो छ । ‘हाम्रो पढ्ने उमेरमा बुवाआमाले स्कूल गएर के गर्छेस्, स्कूल गएर शिक्षक मात्रै बन्ने हो, कति जनाले शिक्षक बन्ने ?, स्कूल जानु पर्दैन भन्नु भएको थियो । त्यसैले सानै देखि घाँस दाउरामै जिवन बिताइयो ।’उनले भनिन् ।
उनका लागि विद्यालयबाट पुस्तक, कापि, कलम लगायतका आवश्यक सामाग्रीहरु उपलब्ध गराइएको छ । पढाइलाई अझै अगाढी बढाउने उनको धोको पनि छ ।
घरपरिवार र सामाजले पनि उनको पढाईलाई सकारात्मक सुझाव पाइरहन्छिन् । परिस्थिति जे जस्तो भएतापनि पढाई नछोड्न विद्यार्थीहरुलाई सुझाव पनि दिने गरेकी छन् । गत वैशाखमा मात्रै भर्ना भएकी उनले अक्षर चिनारीसँगै नाम लोख्न र सरल शब्दहरु पढ्न थालीसकेकी छन् । शिक्षिका भागरथी बिष्टले बताईन् ।
उनको चाहाना अनुसार पढाईमा अझै पनि सहयोग गर्दैजाने विद्यालयका प्रधानाध्यापक राम कुवँरले जानकारी दिए ।
साना बालबालिकाहरुलाई घरबाट विद्यालय पु-याउनको लागि दिनहु विद्यालय आइरहने भएकाले शिक्षकहरुले पनि पढ्न उत्प्रेरीत गरेका थिए । चन्तराले यस ढल्किदो उमेरमा पढाइको महत्व बुझेर अध्यन गरिरहँदा अन्य व्यक्तिहरुलाई समेत पढाईका लागि उत्प्रेरित गरेकी छन् ।
(१९ पटक भ्रमण गरिएको, आज १९ पटक भ्रमण गरिएको)