२० पुस, काठमाडौं । साफ यू-१९ महिला च्याम्पियनसिपका लागि यू-१९ राष्ट्रिय महिला टोलीको बन्द प्रशिक्षणमा ३५ खेलाडीलाई बोलाइएको छ ।
मुख्य प्रशिक्षक बाल गोपाल साहुखलले शुक्रबार बन्द प्रशिक्षणका लागि ३५ खेलाडी छनोट गरेको अखिल नेपाल फुटबल संघ (एन्फा) ले जनाएको छ ।
जिल्ला, प्रदेश र केन्द्रिय स्तरमा छनोट प्रक्रियापछि बन्द प्रशिक्षणका लागि खेलाडी छनोट गरिएको एन्फाले जनाएको छ ।
छनोट भएका खेलाडीहरुलाई नागरिकता वा पासपोर्ट लिएर आइतबार (पुस २२ गते) बिहान १० बजे एन्फा कम्प्लेक्समा उपस्थित हुन एन्फाले जानकारी गराएको छ ।
साफ यू-१९ महिला च्याम्पियनसिप आगामी फेब्रुअरी २ देखि ८ सम्म बंगलादेशको ढाकमा हुनेछ । जहाँ नेपाल र बंगलादेशसहित भारत र भुटान गरी चार टोलीले प्रतिस्पर्धा गर्नेछन् ।
प्रारम्भिक टोली:
गोलिकपर : लिला जोशी, करुणा बुढाथोकी, सुजाता तामाङ, राधिका ओली
डिफेन्डरः दिव्या यस्माली मगर, सीता रोकाया, अमिता भुल, रेणु लिम्बु, गंगा रोकाया, सानु माया विभा, प्रसन्ना भुजेल, रोजिता विष्ट, सिमरन राई, सरिता कुमारी नाथ, माया मास्के, दीपा मगर, रुपा लिम्बु।
मिडफिल्डरः भुकुमारी खड्का, झुमा विश्वकर्मा, बिर्सना चौधरी, सुशीला केसी, सविता मण्डल, काजल स्याङ्तान, भावना परियार, सारा बज्राचार्य, पुनम चेम्जोङ।
फरवार्ड : सेनु परियार, समिक्षा मगर, सजिना स्याङ्गतान, लिला चन्द ठकुरी, सुक्रिया मिया, बर्षा ओली, साधना थावा, पुर्निमा राई, मिना देउवा ।