रौतहटमा आयोजित निःशुल्क स्वास्थ्य परीक्षण शिविरमा हजारौँले स्वास्थ्य परीक्षण गराएका छन्।

सशस्त्र प्रहरी परिवार महिला सङ्घद्वारा शनिबार रौतहटमा आयोजना गरिएको निःशुल्क स्वास्थ्य परीक्षण शिविरमा एक हजार चार सय जनाले स्वास्थ्य परीक्षण गराएका हुन्।

विशेषज्ञहरूको उपस्थितिमा साधारण स्वास्थ्य परीक्षण, स्त्री तथा प्रसूति रोग, नाक कान घाँटी, दाँत, आँखा तथा अन्य रोगहरुको परीक्षण गरिएको थियो।

शिविरमा स्वास्थ्य परीक्षण गराउनेमा महिला, वृद्ध वृद्धा र बालबालिकाको संख्या बढी भएको सशस्त्र प्रहरीका डिएसपी अमर लामाले जानकारी दिए।

‘सशस्त्र प्रहरी बल नेपालको सीमावासीसँग सशस्त्र प्रहरी’ कार्यक्रम अन्तर्गत नेपाल एपिएफ अस्पतालका विशेषज्ञ चिकित्सकहरुद्धारा निःशुल्क स्वास्थ्य परीक्षण गरिनुका साथै शिविरमा आवश्यकता अनुसार औषधि पनि निःशुल्क  वितरण गरिएको थियो।

शिविर रौतहटको परोहा नगरपालिका ४ लौकाहास्थित माध्यमिक विद्यालयमा सञ्चालित थियो।

प्रकाशित: 26 फागुन 2080 21:10 शनिबार