नेपाली कांग्रेस सांसद हृदयराम थानीले तत्कालीन नेकपा एमाले नेतृत्वको सरकारका पालामा बाहिर आएका र माओवादी केन्द्रका नेताहरूको नाम जोडिएका प्रकरणहरू छानबिन गरेर देखाउन गृहमन्त्री रवि लामिछानेलाई चुनौती दिएका छन्।
बुधवार प्रतिनिधिसभाअन्तर्गतको राज्यव्यवस्था तथा सुशासन समितिमा थालीले यस्तो चुनौती दिएका हुन्।
‘गिरीबन्धु टी स्टेटमा हात हाल्न सक्नुहुन्छ कि हुन्न ? क्यान्टोनमेन्टको कुरा सही बेठिक के हो ?,’ उनले गृहमन्त्री लामिछानेलाई प्रश्न गरे, ‘ललिता निवास, वाइडबडी, यति र ओम्नीको कुरा छ। यसमा के गर्नुहुन्छ ? जनताले हेरेर बसेका छन्।’ सांसद थानीले सिङ्गो सचिवालय मुछिएको सुन प्रकरणमा पनि छानबिन गर्न चुनौती दिए।
‘यी सबैमा छानबिन गर्न सक्नुहुन्छ कि सक्नुहुन्न हेर्दै छु’, उनले भने। सांसद थानीले निर्मला पन्तको हत्यारा छानबिनका विषयमा पनि ध्यानाकर्षण गराएका थिए। जीवन चलाउनेको विषयमा पनि कुरा उठाएको भन्दै उनले प्रश्न गरे, ‘अब के गर्नुहुन्छ ?’
प्रकाशित: १४ चैत्र २०८० १४:०२ बुधबार