काठमाडौं । भक्तपुरको संचित बचत तथा ऋण सहकारी संस्थाले सम्पदा र संस्कृतिका विषयमा इतिहासविद प्राडा पुरुषोतमलोचन श्रेष्ठद्वारा रचित अन्तरङ्गका तरङ्गहरु पुस्तक सार्वजनिक गरेको छ ।
डा. श्रेष्ठले ४० वर्षको अन्तरालमा लेखेका इतिहास, संस्कृति र पुरातत्वहरु सम्वन्धि पुस्तकलाई नयाँ भर्सनमा नेपाल मजदुर किसान पार्टीका अध्यक्ष नारायणमान विजुक्छें (रोहित) को बाहुलीबाट सार्वजनिक गरिएको हो ।
पुस्तकमा एक सय एक वटा लेखहरुको संकलन रहेको छ । पुस्तक एक हजार एक सय ३६ पृष्ठको मोटो छ । पुस्तकको मूल्य पाँंच हजार राखिएको छ ।
लेखक प्राडा श्रेष्ठले पुस्तक आफनो जीवनको कमाई भएको बताए । ४० वर्षदेखिको मेहेनतको फलको रुपमा पुस्तक प्रकाशन भएको उनको भनाई थियो । आफूले लेखेका लेखहरुका थप परिमार्जन, पुनर्लेखनसहित थप तथ्य र तथ्यांकका साथ पुस्तक प्रकाशन गरेको उनले जनाए ।
पुस्तक विमोचन समारोहमा नेपाल मजदुर किसान पार्टीका अध्यक्ष नारायणमान विजुक्छेंले पुस्तक भावी पुस्ताका लागि उपयोगी संग्रहणीय रहेको बताए ।
भक्तपुर नगरपालिकाका प्रमुख सुनिल प्रजापति, सांस्कृतिक नेता हरिराम जोशी, बौद्ध विश्वविद्यालयका पूर्व उपकुलपति प्राडा त्रिरत्न मानन्धर, प्राध्यापक हेमन्तशमशेर राणा, वरिष्ठ साहित्यकार तथा भ्रष्टाचार विरोधी इन्जिनियर भरतमणि जंगम, अर्थशास्त्री निरञ्जनकुमार टिब्रेवालालगायतले लेखकप्रति कृतज्ञता व्यक्त गरे । पुस्तक सङ्कलनयोग्य छ।
कार्यक्रममा प्रकाशित पुस्तकका’boutमा त्रिभुबन विश्वविद्यालय नेपाल भाषा केन्द्रिय बिभागका प्रमुख राजनलाल (रास) जोशीले प्रकाशित पुस्तकको समिक्षा गर्दै पुस्तक हेरक हिसावले उत्कृष्ट देखिएको जनाए । साहित्यकार एवं भाषाविद् सूर्य लाकोजूले समिक्षा गर्दै झट्ट हेर्दा नामले पुस्तक र्रगिविरंगी कुराको हो कि जस्तो लागे पनि पुस्तकका नामको कोष्ठभित्र इतिहास, संस्कृति र पुरातत्वहरु शव्द थपिंदा पुस्तकको नाम सार्थक रहेको बताए । सामान्य भाषा, बाक्य संरचना र भाषाशैलिको मिठासले पुस्तकमा गहिरो कुरा रहे पनि सवैले बुझने किसिमका रहेको पाइएको बताए ।
लेखक प्राडा श्रेष्ठ ख्वप कलेज देकोचा भक्तपुरका इतिहास एवं संस्कृति विषयका प्राध्यापक पनि हुन् ।
कार्यक्रम प्रकाशक संस्था संचित बचत तथा श्रृण सहकारी संस्था लिमिटेडका अध्यक्ष योगेन्दबहादुर खर्वुजाको सभापतित्वमा भएको थियो । कार्यक्रममा स्वागत मन्तव्य संस्थाका सल्लाहकार एवं अधिवक्ता गजेन्द्रशंकर तिमिलाल गरेका थिए ।
लेखक प्राडा श्रेष्ठका यसअघि पनि एक दर्जन वढी पुस्तकहरु प्रकाशित भइसकेका छन् । उनी इतिहास एवं संस्कृतिका विषयमा निरन्तर अध्ययन, अध्यापन र अनुसन्धान गरिरहेका छन् ।
(२२ पटक भ्रमण गरिएको, आज २२ पटक भ्रमण गरिएको)