काठमाडौं । कलामा संस्कृतिलाई जोडेर अघि बढ्नु पर्ने संस्कृति पर्यटन तथा नागरिक उड्यान मन्त्री सुदन किरातीले बताएका छन् । नेपाली संस्कृति, परम्परा र कलाको प्रवर्धन गरी पर्यटनसँग जोड्ने अवसरको सदुपयोगका लागि आह्वान गर्नुभएको छ ।
नेपाल ललितकला प्रज्ञा–प्रतिष्ठानको १५ औँ प्राज्ञसभाको उद्घाटन समारोहको उद्घाटन गर्दै मन्त्री किरातीले कलामा संस्कृति जोड्नलाई अपिल गरेका हुन् ।
उद्घाटन सत्रपछि विविध योजना’bout छलफल गर्दै नेपाल ललितकला प्रज्ञा प्रतिष्ठानको १५ औं प्राज्ञसभा सम्पन्न भएको थियो ।
कार्यक्रममा बोल्दै मन्त्री किरातीले नेपालमा परापूर्वकला देखि नै जीवन यापनको लागि हस्तकला जोडिएको र हस्तकलासँगै विभिन्न जातजातिको संस्कृति पनि कलामा जोडिएर आएको बताए । यस्ता अबस्थामा यहाँका गीत संगीत कला संस्कृतिलाई नेपाली समाज, परिवेशसँगै अब पर्यटन र रोजगारीमा पनि जोड्नु पर्ने उनले बताए ।
कार्यक्रममा सबैलाई स्वागत गर्दै प्रतिष्ठानका उपकुलपति लालकाजी लामाले रोजगारमुलक मौलिक कलाको सृजनामा आफुहरु रहेको बताए । ललितकलाको संवर्धन, प्रवर्धनका लागि देशभर विविध कला गोष्ठी, प्रशिक्षणको आयोजना गरी प्रतिष्ठानका तर्फबाट कलामार्फत शिक्षा, पर्यटन, अर्थसँग जोडिने कार्यलाई आफुहरुले निरन्तता दिएको पनि उनले बताए । हाल रिनोभसन कार्य अन्तिम चरणमा पुगेको नक्सालको सीता भवनलाई ऐतिहाँसिक सङ्ग्रहालयको रूपमा पवद्र्धन गर्ने पनि उनले बताए । सो भवनको संग्रहालयमा नेपालका मौलिक कलाहरुलाई प्रदर्शनमा राखिने पनि उनले कार्यक्रममा जानकारी गराए ।
नेपाल ललितकला प्रज्ञा प्रतिष्ठानका कुलपति नारदमणि हार्तम्छालीले १५ औँ प्राज्ञसभाको अवसरमा सबैलाई शुभकामना प्रकट गरे । सरकारले निकै कम बजेट दिएको भए पनि आफुहरुले त्यो बजेटको भन्दा बढी काम गरेर ललितकलाको विकाशमा टेवा पु¥याएको उनले बताए । प्रतिष्ठानको १५ औं सभाबाट पारित गरिने भावी योजना, कार्यक्रम’bout उनले सो उद्घाटन कार्यक्रममा जानकारी गराए ।
सो प्रतिष्ठानकी पूर्वकुलपति रागिनी उपाध्यायले १५ औं प्राज्ञसभाको अबसरमा सबैलाई शुभकामना दिँदै अहिलको प्राज्ञ सभाले राम्रा योजनाहरु ल्याउने विश्वास व्यक्त गरिन् । उनले स्कुल देखि कलेजसम्मका पाठ्यक्रममा ललितकला विषयलाई समावेश गरी अनिवार्य विषयका रूपमा पठनपाठन गराउन पनि मन्त्री किरातीसँग अनुरोध गरिन् । यसो भएमा धेरै कलाकार जन्मने र यहाँ अझै रोजगारी सिर्जना हुने पनि उनले सुझाब दिईन् ।
कार्यक्रममा १५ औं प्राज्ञसभालाई शुभकामना दिँदै नेपाल सङ्गीत तथा नाट्य प्रज्ञा–प्रतिष्ठानका कुलपति शम्भु राईले तीन वटै प्रतिष्ठानले सहकार्य गरेर अघि बढ्नु पर्ने सुझाब दिए । उनले अहिलेको प्राज्ञसभाले ललितकला क्षेत्रको उज्ज्वल भविष्यका लागि देशभर सञ्चालन गर्न लागेको विविध गतिविधिको सफलताको कामना गर्दै आफुहरुबाट हुनसक्ने सहयोग गर्न पछि नपर्ने बताए ।
(8 पटक भ्रमण गरिएको, आज 8 भ्रमणहरू)