भक्तपुर नगरपालिकाको आयोजनामा फागुन २९ गतेबाट सुरु भएको महिला कबड्डी प्रतियोगिता अन्तर्गत बुधबारको खेल हेर्न काठमाडौं महानगरपालिकाकी उपप्रमुख सुनिता डंगोल भक्तपुर आएकी छिन्।
महानगरका खेलाडीहरुलाई हौसला बढाउन उनी शहीद स्मृति खेल मैदान पुगेकी हुन्। त्यहाँ पुगेर उनले भक्तपुर नगरपालिका र काठमाडौं महानगरपालिकाबिच भएको प्रतियोगिता हेरेकी थिइन्।
बुधबार भएको दश खेलमध्ये अन्तिममा भएको खेलमा भक्तपुर नगरपालिका विजयी भयो। खेलमा भक्तपुरले काठमाडौँलाई ४३–२९ अकले हरायो। सो खेलमा भक्तपुरका इशा सैजु म्यान अफ द म्याच घोषित भइन्।
यसअघि विराटनगर महानगरपालिका र बुटवल उप-महानगरपालिकाबिच भएको खेलमा बुटवल उप-महानगरपालिकाले विराटनगर महानगरपालिकालाई ६४–२२ अंकले पराजित गर्यो। उक्त खेलमा बुटवलका विष्णु सोमरी मगर म्यान अफ द म्याच घोषित भइन्।
त्यस्तै मेलौली नगरपालिका र पोखरा महानगरपालिकाबिच भएको खेलमा मेलौलीले पोखरा महानगरपालिकालाई ४३–२२ पराजित गर्याे। सो खेलमा पोखरा महानगरपालिका होममाया खप्तड मगर म्यान अफ द म्याच घोषित भइन्।
भीमदत्त नगरपालिका र बनेपा नगरपालिकाबिचको खेलमा भीमदत्तले बनेपालाई ६९–१६ अंकले हरायो। उक्त खेलमा मानमति विष्ट म्यान अफ द म्याच घोषित भइन्।
काठमाडौँ महानगरपालिका र मध्यपुर थिमि नगरपालिकाबिच भएको प्रतिस्पर्धामा काठमाडौँ महानगरपालिकाले जित हासिल गरेको छ। उसले प्रतिद्वन्द्वी मध्यपुर थिमिलाई ६५–२५ ले हरायो। सो खेलमा काठमाडौँ महानगरपालिकाका पुनम कार्की म्यान अफ द म्याच घोषित भइन्।
विराटनगर महानगर र गोदावरीबिचको खेलमा विराटनगरले गोदावरीलाई ३९–२३ अङ्कले पराजित गर्याे। उक्त खेलमा विराटनगर महानगरका रोजिना खवास म्यान अफ द म्याच घोषित भइन्।
बुटवल नगरपालिका र महाकाली नगरपालिकाबिचको खेलमा बुटवलले महाकालीलाई ५९–२४ अंकले पराजित गर्याे। सो खेलमा बुटवलकी सृजना थारु म्यान अफ द म्याच घोषित भइन्।
बुटवल र महाकालीबिचको खेलमा बुटवलले महाकालीलाई ५९–२४ अंकले पराजित गर्याे। सो खेलमा बुटवलकी सृजना थारु म्यान अफ द म्याच घोषित भइन्।
सिद्धिचरन नगरपालिका र पोखरा महानगरपालिकाबिचको खेलमा पोखराले सिद्धिचरणलाई ७९–१७ अंकले पराजित गर्याे। खेलमा पोखराकी आशिका नेपाली म्यान अफ द म्याच घोषित भइन्।
कीर्तिपुर नगरपालिका र बनेपा नगरपालिकाबिचको खेलमा कीर्तिपुरले बनेपालाई ३५–३२ अंकले पराजित गर्याे। उक्त खेलमा किर्तिपुरकी नितु सुनार म्यान अफ द म्याच घोषित भइन्।
त्यस्तै मेलौली नगरपालिका र कलैया नगरपालिकाबिचको खेलमा मेलौली नपाले जित हासिल गरेको छ। मेलौलीले कलैयालाई ६१–१३ ले पराजित गरेको हो। खेलमा मेलौलीका रविना चौधरी म्यान अफ द म्याच घोषित भइन्। प्रतियोगिताको फाइनल चैत ३ गते हुनेछ।
प्रकाशित: 30 फागुन 2080 20:53 बुधबार