यती डिष्टिलरी प्रालिले पौभा कलाकार लोक चित्रकारसगँको सहकार्यमा १२ महिना फुल्ने फूललाई जनाउने कलाकृति ‘बाह्रमासे फूलहरु’ सार्वजनिक गरेको छ।
उक्त कलाकृति लोक चित्रकारले हालसालै ओल्ड दरबार ट्वेल्भ इयर्स ओल्ड ब्लेन्डेड ह्विस्कीका लागि रचना गरेका थिए।
कमला श्रेष्ठको कविता “कति को दुःख दिन्छौ कृष्ण”बाट प्रेरित उक्त कलाकृतिमा श्रेष्ठको कवितामा नाम उल्लेख भएका २० वटा फूल समेटिएका छन्। ती फूलहरुमा लालीगुराँस, गोदावरी, गुलाफ, चम्पा, चमेली लगायत छन्। ती फूलहरु ओल्ड दरबार ट्वेल्भ इयर्स ओल्ड ब्लेन्डेड स्कच ह्विस्कीको बोटलमा प्रिन्ट गरिएको छ।
‘लोक चित्रकारको प्रतिष्ठा आफैं बोल्छ। र उहाँसँगको साझेदारी कम्पनी र हाम्रो ब्रान्डका लागि विशेष क्षण हो। उहाँको कला र विधिलाई कला समुदायले मात्रै नभएर आम सर्वसाधारणसम्मले मूल्यवान ठान्छन्। नेपालको कला परिदृश्यमा उहाँले जे गर्नुभएको छ, त्यो अद्वितीय छ,’ यती डिस्टिलरीका प्रबन्ध निर्देशक अभिशेक श्रेष्ठले भने, ‘यो सहकार्यका लागि उहाँले रचना गर्नुभएको कला साँच्चिकै अद्वितीय छ, यसमा हामी कसरी गर्व नगरी बस्न सक्छौं ?’
चित्रकार भन्छन्, ‘मैले ओल्ड दरबारका लागि रचना गरेको कलाकृतिले नेपालमा बाह्रै महिना फूल्ने विभिन्न फूलहरुको प्रतिनिधित्व गर्छ। फूलहरुले मानिसलाई बदलामा केही नमागीकन निःसर्त माया दिन्छन्। तिनीहरुले हामीलाई आनन्द, सुगन्ध, रङ र औषधीय तत्व पनि दिन्छन्। बाह्रमासे फुलहरुले हरेक वर्ष फूलहरुले प्रदान गर्ने अनन्त प्रेम र आनन्दको चित्रण गर्दछन्।’
ओल्ड दरबार एक्स लोक चित्रकार लिमिटेड एडिसन (सीमित संस्करण), ८ हजार बोटल मात्र सार्वजनिक गरिएको छ। लिमिटेड एडिसन बोटलहरु असोज २९ गतेबाट काठमाडौं उपत्यका वरपर अधिकतम खुद्रा मूल्य ४ हजार ९९९ रुपैयाँमा उपलब्ध हुनेछ।
ओल्ड दरबार एक्स लोक चित्रकार यती डिस्टिलरीले विख्यात नेपाली कलाकारसँग गरेको यसप्रकारको दोस्रो रचनात्मक सहकार्य हो। सन् २०२२ मा कम्पनीले ८८४८ राइ भोड्का एक्स छिरिङ शेर्पा लिमिटेड एडिसन बोटलका लागि कलाकार छिरिङ शेर्पासँग सहकार्य गरेको थियो।
यसका साथै, लिमिटेड एडिसन बोटल बाहेककोओल्ड दरबार ट्वेल्भ इयर्स ओल्ड ब्लेन्डेड स्कच ह्विस्की पनि ४,५७५ को खरिद मुल्यमा बजारमा उपलब्घ रहेको कम्पनीले जानकारी गराएको छ।
प्रकाशित: २९ आश्विन २०८० १३:२२ सोमबार