नेपाल बिल्डकन अन्तर्राष्ट्रिय प्रदर्शनीको नवौं संस्करण यही माघ १८ गते देखि २१ गतेसम्म काठमाण्डौंको भृकुटीमण्डपमा हुने भएको छ।
निर्माण व्यवसायसँग सम्बन्धित उत्पादनहरू र यस क्षेत्रका नवीनतम प्रविधिको बारेमा जानकारी दिने उद्देश्यले प्रदर्शनीको आयोजना गरिएको हो। प्रदर्शनीले नेपालमा उत्पादित सामाग्री र प्रविधिहरूलाई पनि अन्तर्राष्ट्रिय बजारसम्म पहुँच पुर्याउने विश्वास लिइएको छ।
मिडिया स्पेस सोलुसन्स प्रा.लि र फ्युचरएक्स ट्रेड फेर एण्ड इभेन्ट्स प्रा.लिकाे संयुक्त आयोजनामा प्रदर्शनी हुन लागेको हो। विगत ८ वर्ष देखि हुँदै आइरहेको प्रदर्शनीको यो नवौं संस्करण हो।
साे प्रदर्शनीमा विभिन्न देश का ३ सय भन्दा बढी ख्याति प्राप्त ब्राण्डहरु का १५० भन्दा बढी स्टल रहने आयोजकले जानकारी दिएको छ।
प्रदर्शनीमा निर्माण क्षेत्रमा काम गरी रहेका नेपालका दिग्गज आर्किटेक्ट, इन्जिनियरस्, कन्ट्रयाक्टरस, विल्डरस, इन्टीरीयर डिजाइनरहरु, घर बनाउन चाहने व्यक्ति तथा आम नागरिकको उल्लेखनीय सहभागिता रहने बताइएको छ।
प्रकाशित: १६ माघ २०८० १९:५७ मंगलबार