खोटाङ । खोटाङको दिक्तेल रुपाकोट मझुवागढी नगरपालिकाले गठन गरेको शिक्षा सुधार कार्यदलले फिल्डमा पुगेर काम सुरु गरेको छ । १५ वडा रहेको नगरपालिकाभित्रका सामुदायीक विद्यालयको अवस्था, समस्या, आवश्यकता, सुधार गर्नुपर्ने पक्षलगायतका ’boutमा विस्तृत अध्ययनका लागि शैक्षिक अभियान्ता एबं जनजागृति माबि सोल्माका व्यवस्थापन समिति अध्यक्ष सुर्य राईको संयोजकत्वमा गठित सात सदस्यीय शिक्षा सुधार कार्यदलले आफ्नो काम थालेको हो ।

गत माघ १८ गतेको नगर कार्यपालिकाको बैठकको निर्णय अनुसार गठन गरिएको कार्यदलले बुधबार लफ्याङका पाँच विद्यालयको अध्ययन अवलोकन गरेको छ । शारदा आधारभुत विद्यालयबाट आफ्नो काम सुरु गरेको कार्यदलको टोली श्रीमाबि बासबोटे, सालपीदेबी आधारभुत विद्यालय, खर्कडाँडा, वालबिकास आधारभुत विद्यालय बरडाँडा हुँदै जनचेतना आधारभुत विद्यालय दोखुम पुगेर फर्किएको छ ।

प्रारम्भिक चरणको स्थलगत अध्ययनका क्रममा विद्यालयको शिक्षक तथा विद्यार्थी संख्या, भौतिक अवस्था, पुस्तकालय, विज्ञान प्रयोगशाला, एक विद्यालयबाट अर्को विद्यालयको दुरी, अभिभावकको सकृयता, शिक्षक–विद्यार्थी अनुपात, शैक्षिक सामग्रीको प्रयोग, उत्तिर्ण दर, सिकाई उपलव्धी मूल्यांकन, नतिजा विश्लेषण, शैक्षिक सुधारका लागि विद्यालयको अपेक्षा लगायतको विषयमा जानकारी संकलन सुरु गरिएको कार्यदलका संयोजक राईले बताए ।

कार्यदल दिक्तेल रुपाकोट मझुवागढी नगरपालिकाका मेयर तीर्थराज भट्टराई र लफ्याङका वडाध्यक्ष दिनेशकुमार घिमिरे सहित विभिन्न विद्यालय पुगेका थिए । कार्यदलले व्यवस्थापन समिति, शिक्षक अभिभावक संघका प्रतिनिधि, प्रअ तथा शिक्षक लगायतसँग शैक्षिक गुणस्तर सुधार गर्ने विषयमा छलफल गरेका छन् । विद्यालयको अवस्थाका ’boutमा अध्यायन गर्नका लागि कार्यदलको टोली क्रमशः नगरका सबै वडाका विद्यालयमा पुग्ने कार्यक्रम छ । कार्यदललाई सामुदायीक विद्यालयको यथार्थ चित्र देखाउने विस्तृत खाका पेश गर्ने जिम्मेवारी दिइएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताए ।

कार्यदललाई सामुदायीक विद्यालयबाट निजी स्कुलमा तथा बसाई सराई गरेर जाने समस्या, विद्यार्थीलाई सामुदायिक स्कुलमै राख्ने वातावरण बनाउने उपाय लगायतका ’boutमा अध्ययन गर्न जिम्मेवारी दिइएको छ । कार्यदलले तयार पारेको प्रतिबेदनको आधारमा नगरभित्रका सामुदायीक विद्यालयको शिक्षक तथा कर्मचारी दरबन्दी मिलान, नक्सांकन, मर्ज (समायोजन) एबं शिक्षा क्षेत्रमा देखिएको समस्या हल गर्ने योजना बनाउने नगरपालिकाको योजना छ ।

अध्ययन क्षेत्र जानुअघि कार्यदलले जनप्रतिनिधि, शिक्षा सम्वद्ध संघसंगठनका प्रमुख लगायतबाट राय सल्लाह लिएका थिए । कार्यदलको सदस्यमा प्रकाश श्रेष्ठ, कृष्ण बुढाथोकी, दिलीप खत्री, दमन राई र सदस्य सचिवमा शिक्षा शाखा प्रमुख तीर्थ बिक छन् । यस्तै, नेपाल शिक्षक महासंघलाई एक सदस्यका रुपमा राखिएको छ ।

(10 पटक भ्रमण गरिएको, 1 भ्रमण आज)