१ फागुन, काठमाडौं । त्रिभुवन विश्वविद्यालयको उपकुलपतिका लागि आवेदन दिएर अल्पसूचिमा नपरेकी प्रा. संगीता रायमाझीले छनोट प्रकृयामाथि प्रश्न उठाएकी छिन् ।
त्रिवि उपकलुपतिका लागि ४३ जनाले आवेदन दिएका थिए, उनीहरुमध्ये १४ जना अल्पसूचीमा परेका छन् । सिफारिस समितिले उनीहरुको सोचपत्र र व्यावसायिक कार्ययोजनाका प्रस्तुतीकरण सुन्न थालेको छ । तर अल्पसूचीमा नपरेकी प्रा. रायमाझीले छनोट प्रकृयामा असन्तुष्टि जनाएकी छिन् ।
चैतन्य मिश्र समाज विज्ञान प्रतिष्ठानले आयोजना गरेको ‘होला त विश्वविद्यालय शासकीय पूर्नसंरचना ?’ छलफल कार्यक्रममा प्रा. रायमाझीले सुनाएअनुसार सुरुमा कागजात बुझाउन जाने क्रममा नै राम्रो व्यवहार भएन ।
आफूले लाहाछाप लगाएर बुझाएको कागजात आवेदन बुझ्ने कर्मचारीले खोलखाल पारेर अर्को नेपाली कागजको फाइल ल्याउन लगाएको भन्दै उनले भनिन्, कर्मचारीले नै छुट्याएर गर्ने हो भने सील्ड आवेदन माग्नुको मतलब के भयो त ?
आफूले पातलो किताब फर्ममा निकालेको रिसर्च रिपोर्ट बुझाउँदा ‘रिसर्च रिपोर्ट कहाँ यस्तो हुन्छ भनेर फेरि झपारेको उनले सुनाएन् । ‘नजिकै रहेको कर्मचारीले हाल्देउ न हाल्देउ भनेपछि मात्र आफ्नो रिसर्च रिपोर्ट समावेश गरिएको भन्दै उनले भनिन, ‘त्यो कागजात कसरी राखियो ? कसरी विश्वास गर्ने ?’
आवेदन दिइसकेपछि उनको राजनीतिक आवद्धताबारे पनि धेरै सोधिएको बताइन् । अमेरिकन युनिभर्सिटी कुन ? मा प्रो चान्सलर, चान्सलर र एकेडेमिक डाइरेक्टर हुनुका साथै उपकुलपति छनोट समितिमा समेत रहेर काम गरेकी उनले उपकुलपतिलाई मूल्यांकन गर्ने अंकभारमाथि समेत प्रश्न उठाइन् । ‘रिसर्चलाई ४, किताबलाई पाँच अंक दिइएको छ’ उनले भनिन्, ‘जुन काम गरेर प्राज्ञिक बनेका छन्, त्यसैलाई दिने अंक यस्तो छ ।’
प्रा.संगीताले प्राज्ञिक अपराध मानिने बौद्धिक चोरी गरेको व्यक्तिको आवेदन लिनु र अल्पसूचीमा राख्नु आपत्तिजनक भइको बताइन् । ‘उनले त आफु फेरि पनि उपकुलपति हुन चाहान्छन् आवेदन दिए, तर आवेदन स्वीकृत गर्ने राजनीतिक नेतृत्व को हुन् ? अल्पसूचीमा पार्ने को हुन् ?’ उनले भनिन्, त बौद्धिक चोरी एकदमै लाजमर्दो कुरा हो । यसले हामीलाई समेत लज्जित बनाउँछ ।’
छलफलमा पूर्व उपकुलपति केदारभक्त माथेमा सिफारिस समितिले योग्यभन्दा आएकालाई छान्ने काम गरिरहेको बताए भने उप प्राध्यापक रेशम थापाले अहिले अल्पसूचीमा परेकाहरुलाई उपकुलपति बनार त्रिवि नबन्ने दाबी गरे ।