काठमाडौं । सुगम संगीतकी कालजायी श्रष्टा तारा देवीलाई उनकै गीतमार्फत विभिन्न कलाकारले सम्झिएका छन् । तारा देवीको १८ औं पुण्यतिथीको अबसरमा मँगलबार काठमाडौंको राष्ट्रिय सभागृहमा आयोजित ‘सम्झनामा तारा देवी तथा सम्मान कार्यक्रम’मा कलाकारहरुले उनको गीत प्रस्तुत गरेका हुन् ।

नेपाल संगीत तथा नाट्य प्रज्ञा प्रतिष्ठानका पूर्व उपकुलपति एवम् अग्रज संगीतकार शम्भुजीत बासकोटाले तारा थापाको तस्बिरमा माल्यार्पण गरेपछि सुरु भएको सो कार्यक्रममा प्रत्यक्ष बादबादनमा कलाकारहरुले तारा देवीका विभिन्न लोकप्रिय गीतहरु प्रस्तुत गरे ।

यो नेपाली सिर उचाली…गीतसँगै सो साँगीतिक कार्यक्रम सुरु भएको थियो । यो गीतलाई आस्था कलाकेन्द्रका तर्फबाट डेकेन्द्र मेहवाङ, कल्पना आले, देवकी सापकोटा, यादव जिसी, तेज महरा, रवि महत, आयुश खतिवडा, लोकेन्द्र राई, दुर्गा विश्वकर्मा, सुश्मा लामिछाने, पवित्र न्यौपानेलगायतले प्रस्तुत गरेका थिए ।

यसपछि सँजिव आले र गीता पाण्डेले प्रस्तुत गरेको मुस्कानका लहरहरु गीत पनि माधुर्य थियो । गायिका निशा देसारले तारा देवीको अर्को लोकप्रिय गीत शुभकामना प्रस्तुत गरेर सो कार्यक्रमलाई संगीतमय तुल्याईन् ।यस्तै अजर जँगम र जीना रसाईलले उनले अँगालो हालेर, झुमा निरौलाले हो माझी दाई गीत प्रस्तुत गरे ।

कार्यक्रमको अर्को सत्रमा बबिना भट्टराईले तारा देवीको आँखाहरुले रुन नखोजे, अन्जुली हमालले किन हो यति भरोसा, शर्मिला लामाले काली पारी दाई कति राम्रो, अग्रिमा रिजालले तिम्रा पाउहरु, गीता पाण्डेले कर्कलो गाभा, जीना रसाईलीले फुलै फुलको मौसम तिमीलाई गीत गाएर दर्शकको मन जिते । यस्तै सोही क्रममा अनिल सुनाम र बबिना भट्टराईले तिम्रो नाम अझै छ ओटमा, शुधा शेर्पा, प्रस्तुति खनाल, संगीता विश्वकर्मा र सारा राईले छाँगाको मायाँ के मायाँ, अन्जा श्रेष्ठले उकाली ओरालीहरुमा, पुजा परियार र प्रितम गुरुङले लुकु लुक लाग्यो मलाई र अन्त्यमा किशोर विश्वकर्मा र त्रितिया गुरुङले बिदा हुने भै गयो बेला गाउँदै कार्यक्रमलाई संगीतमय तुल्याए । समारोहमा केही नृत्यहरु पनि प्रस्तुत गरियो । आस्था कलाकेन्द्रका कलाकारहरुले तारा देवीको विभिन्न गीतमा चारवटा नृत्य प्रस्तुत गरेका थिए ।

नेपाली संगीत क्षेत्रमा अतुलनीय योगदान दिएको भन्दै सो कार्यक्रममा तीन जना सँगीतश्रष्टालाई तारा देवी संगीत सम्मानबाट सम्मानित गरियो । कार्यक्रममा गीतकारका तर्फबाट अग्रज गीतकार विश्व बल्लभलाई, संगीतकारबाट अग्रज संगीतकार दिपक जँगमलाई र गायनबाट अग्रज गायिका तारा थापालाई सम्मानित गरियो । उनीहरुलाई जनही २५ हजार रुपैयाँ सहित सो सम्मान गरिएको हो ।

यी श्रष्टाहरुलाई अग्रज गीतकार किरण खरेल, राजेन्द्र थापा, गायिकाहरु ज्ञानु राणा, मिरा राणा, अग्रज संगीतकार शम्भुजीत बासकोटालगायतले सो सम्मान प्रदान गरेका हुन् । तारा देवी जस्ता अग्रज श्रष्टाको नाममा स्थापिन सम्मानबाट सम्मानित हुन पाउँदा आफुलाई निकै खुसी लागेको संगीतकार दीपक जँगमले कार्यक्रममा बताए ।

तारा देवी स्मृति फाउन्डेसनका अध्यष दीपक केसीले तारा देवीको नेपाली संगीतमा योगदान’bout चर्चा गर्दै नयाँ पुस्तालाई उनीसँग अझ निकट तुल्याउन यो साँगीतिक साँझ आयोजना गरिएको बताए । तारा देवीले आफ्नो जीवन संगीतमै विताएको स्मरण गराउँदै अध्यक्ष केसीले उनको कृतिलाई सँरक्षण गर्न आफुले विभिन्न कार्यक्रमहरु तय गरेको बताए । यस्तै सो फाउन्डेसनकी उपाध्यक्ष एवम् अग्रज अभिनेत्री भुवन चन्द, फाउन्डेसनका महासचिब शोवन सायजुले पनि सो फाउन्डेसनले गरेको विभिन्न कार्यहरुको ’boutमा प्रकाश पारे ।

(१८ पटक भ्रमण गरिएको, आज १८ पटक भ्रमण गरिएको)