सुदूरपश्चिम प्रदेशका समाजिक विकास मन्त्री झपट बहादुर साँउदविरुद्ध ज्यान मार्ने धम्की दिएको भन्दै एकजनाले प्रहरीमा उजुरी दिएका छन्।
बझाङ्ग बुंगल गाउँपालिका वडा नम्बर १ निवासी धन बहादुर बोहराले पटक पटक ऋण सापटी लिएको पैसो माग्दा उल्टै ज्यान मार्ने धम्की दिएको उल्लेख गर्दै ज्यानको शान्ती सुरक्षा गरी पाउँ भन्दै जिल्ला प्रहरी कार्यालय कैलालीमा उजुरी दिएको प्रहरीले बताएको छ।
‘अछाम रामारोशन गाउँपालिका वडा नम्बर ६ वस्ने विर वहादुर साउँको छोरा वर्ष ४३ को झपट वहादुर साउँदले मबाट विभिन्न मितिमा मलाई साह्रै समस्या छ, भनी रुपैयाँ ऋण सापटी मागी लिएका थिए। निजले दिने समय अवधि समाप्त भईसक्दा समेत मलाई रुपैयाँ नदिई रुपैयाँ फिर्ता माग्न खोज्दा अनेक बहाना पारी आलटाल गर्ने तथा उल्टै ज्यान मार्ने किसिमले धाकधम्की दिने गरेको हुँदा निजलाई झिकाई आवश्यक छलफल तथा मलाई ज्यान मार्ने धम्की दिएको हुँदा मेरो शान्ती सुरक्षा समेत गरी पाउँ भनि निवेदन पेश गरेको हुुँ,’ उजुरिमा उल्लेख गरिएको छ।
मन्त्री साउँदले बोहोरासँग कुनै कारोवार नभएको र आफूले ज्यान मार्ने धम्की पनि नदिएको बताएका छन्।
आफूविरूद्व बोहराले उजुरी दिएको विषयमा बुझिरहेको उनले बताए।
प्रकाशित: १६ माघ २०८० ११:५१ मंगलबार