Home नेपाल समाचार जीवन विकास लघुवित्तसहित चार कम्पनीको लाभांश सुरक्षित गर्ने अन्तिम दिन आज

जीवन विकास लघुवित्तसहित चार कम्पनीको लाभांश सुरक्षित गर्ने अन्तिम दिन आज

0
जीवन विकास लघुवित्तसहित चार कम्पनीको लाभांश सुरक्षित गर्ने अन्तिम दिन आज

२०८० पुस, १७ &nbsp



लगानी


आर्थिक अभियान 18 औं वार्षिकोत्सव
जीवन विकास लघुवित्तसहित चार कम्पनीको लाभांश सुरक्षित गर्ने अन्तिम दिन आज



लेखक अवतार
अभियान संवाददाता




काठमाडौं । ४ कम्पनीको लाभांश सुरक्षित गर्ने अन्तिम दिन आज रहेको छ । साधारण सभा तथा लाभांश वितरण प्रयोजनार्थ एचआईडिसिएल अर्थात हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी, युनिभर्सल पावर कम्पनी, कालिका पावर कम्पनी र जीवन विकास लघुवित्तले भोलि (बुधवार) बुक क्लोज गर्दैछन् ।

सोही  अनुसार आजसम्म नेप्सेमा कारोबार भई कायम शेयरधनीहरूले यी कम्पनीको साधारण सभामा सहभागिता जनाउन तथा यी कम्पनीले वितरण गर्ने लाभांश प्राप्त गर्न सक्नेछन् ।

एचआईडिसिएलले हाल कायम चुक्ता पूँजीको ५ दशमलव २६३ प्रतिशतका दरले नगद लाभांश वितरण गर्ने घोषणा गरेको थियो । सो लाभांश पारित गर्न कम्पनीले पुस २९ गते १२ औं वार्षिक साधारण सभा बोलाएको छ ।

त्यसैगरी, यूनिभर्सल पावरले पुस २९ आफ्नो कार्यालय, त्रिपुरेश्वर, काठमाडौंमा साधारण सभा बोलाएको छ । सो सभा दिउँसो १२ः१५ बजे वेबिनारमार्फत शुरु हुनेछ । सभाले हाल कायम चुक्ता पूँजीको ८ दशमलव ५५ प्रतिशतका दरले बोनस शेयर र सोको कर प्रयोजनार्थ ०.४५ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ ।

कालिका पावरले पुस २८ दियालो फुडल्याण्ड चितवन प्रा.लि., भरतपुरमा साधारण सभा बोलाएको छ । सो सभा बिहान ११ बजे शुरु हुनेछ । सभाले हाल कायम चुक्ता पूँजीको १० प्रतिशतका दरले बोनस शेयर र सोको कर प्रयोजनार्थ शून्य दशमलव ५२६३ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ ।

त्यस्तै, जीवन विकास लघुवित्तले १४ प्रतिशतका दरले बोनस शेयर र सोको कर प्रयोजनार्थ शून्य दशमलव ७३६९ प्रतिशत नगद लाभांश वितरण गर्ने विशेष प्रस्ताव पारित गर्न पुस २९ गते आफ्नो केन्द्रीय कार्यालय, कटहरी, मोरङ्गमा पाँचौं वार्षिक साधारण सभा बोलाएको छ ।

नेको इन्स्योरेन्स लिमिटेडआर्थिक अभियान भाइबर समुदाय

प्रतिक्रिया [0]

LEAVE A REPLY

Please enter your comment!
Please enter your name here