माघ । चिसो छल्न रारा आएका पाहुना चराहरुको गणना गरिएको छ । रारा राष्ट्रिय निकुन्जको कार्यालय मुगुले सोमबार नेपाल कै ठूलो ताल रारामा चिसो छल्न आएका पाहुना चराहरुको गणना गरेको हो ।
गणना कार्यमा निकुन्जका कर्मचारी, नेपाली सेना, मध्यवर्ती समितिका पदाधिकारी र स्थानियहरुको सहयोग सहभागिता रहेको थियो । चरा गणना गर्न निकुन्जले ४ वटा समूह बनाएर चराहरुको सधै बसोबास गर्ने र तैरिने तालका निश्चित ठाउहरुमा खटाइ सोमबार विहान गणाना गरिएको रारा राष्ट्रिय निकुन्ज कार्यालय मुगुका वरिष्ठ संरक्षण अधिकृत राजु घिमिरेले जानकारी गराए ।
चारवटै टोलीले ल्याएका चराहरुको संख्या, प्रजातिहरुलाई छुटाउँदा यो मौषममा साइवेरिया, मानसरोवरबाट चिसो छल्न सोमबारसम्म कोम्मोन कोड (मरुल) १७८, टुप्टेड डक (कालिजुरे हास) ८१, खोया हास ९३, हरियो टाउके हास १, सुनजुरे हास ११७ र सिउरी डुबुल्के हास १२ गरी कुल ३९२ पाहुना चरा रारा आएको पाइएको वरिष्ठ संरक्षण अधिकृत घिमिरेले बताए ।
घिमिरेकै अनुसार चिसो छ्ल्न सयौ चराहरु कयौ माइलको यात्रा गर्दै रारा आउने क्रममा कयौ चराको समुहबाट छुटेर, बाटो विराएर, थाकेर बाटोमै मृत्यु हुने गरेको र पुस र माघ महिनामा रारामा पुगेका पाहुना चराहरु ४–५ महिनाको रारा बसाइपछि फर्किन्छन ।
चरा गणना २०१२ का अनुसार रारा राष्ट्रिय निकुन्जमा २७२ प्रजातिका चराहरु पाइने एकिन गरिएको थियो भने यस मध्य ४९ प्रजाती चराहरु पानी चरा रहेका थिए । पुस र माघको चिसोमा रारा तालको पानी तातो हुने, पर्याप्त आहारा पाइने भएकाले चराहरु रारा आउने गरेका हुन ।
पाहुना चराहरु निकुञ्जको मिलीचौर, ठाकुरज्यू मन्दिर, ओखरबोट, निजार क्षेत्रमा खोयाहाँस, कपनकुट,मिलि थिर लगायतका चरा प्रशस्त देख्न सकिन्छ। तालमा मिसिएका स–साना पानीका कुलाहरुमा पनि यी चराहरु उक्लिने गरेका छन । चराहरु राति बास बस्न ताल नजिकका ढुङ्गेओढार, रूखमा आउने गरेका छन । मंसिर सुरु भएपछि राराको तालदेखि जंगल क्षेत्रमा विभिन्न प्रकारका ठुला(साना चराचुरिङ्गी देखिनुका साथै चिरबिर चिरविरको आवाज सुनिने गरेको रारा घुम्ने प्रयट्क बताउँछन् ।
प्रत्येक वर्ष विश्वका विभिन्न जाडो ठाउँहरुबाट चिसो छल्न रारामा विभिन्न प्रजातिका पाहुना चरा आउने गरेका छन कुन वर्ष कति पहुना चरा आए भनेर निकुन्जले चराहरुको गणना गर्ने गर्ने गरेको छ । साथै रारामा आउनुपर्ने चरा चखेवा र करोमेन्ड चरा आउन बाँकी रहेको छ । जुन चखेवा जोडि वाला चरा हो । रारामा चरा गणना सोमवाार गरिएकोमा पाँच प्रजातिकामा ५ सय ९२ चरा भेटिएका निकुञ्ज कार्यालयले जनाएको छ ।
(६४ पटक भ्रमण गरिएको, आज ६६ पटक भ्रमण गरिएको)