नवनियुक्त उपप्रधानमन्त्री तथा गृहमन्त्री रवि लामिछानेले आफ्नो कुनैपनि दबाब र प्रभावमा नपरी कानुनी राज्यको स्थापनाका लागि काम गर्न पनि मातहतका निकायलाई निर्देशन दिएका छन्।

उनले कानुनी राज्य स्थापना गर्ने सिलसिलामा कुनैपनि राजनीतिक प्रभावमा नपरी काम गर्न पनि सम्बन्धित निकायलाई सचेत गराएका हुन्।

उपप्रधानमन्त्री लामिछानेले आफ्नो नभई आम नागरिकको सुरक्षाका लागि चिन्तित हुन पनि सुरक्षा निकायका सबै अधिकारीहरूलाई अपिल गरे।

‘मेरो स्पष्ट निर्देशन यहाँहरूलाई यही नै हो कि कानूनले जे भन्छ, त्यही हुन्छ। अपराधको अनुसन्धानमा काही कतै कसैमाथि शक्तिको दुरुपयोग गरेर गलत क्रियाकलाप हुन नदिने र कसैले गलत गरेको छ भने त्यसका लागि कसैको अनुमति लिन नपर्ने र नागरिकले देशमा शान्ति सुरक्षा छ भन्ने कुराको महसुस गर्न पाउने वातावरणको सृजना गर्ने एउटा महत्त्वपूर्ण जिम्मेवारी हामी सबैको छ।’ उनले भने।

उनलाई मन्त्रालयका सचिव भट्टराईसहितका उच्च अधिकारीहरूले मन्त्रालयमा स्वागत गरेका थिए।

प्रकाशित: 23 फागुन 2080 21:41 बुधबार