बारा । नेपाल–भारत सीमास्थित बाराको मटिअर्वा बोर्डर खुलेको छ । वीरगन्ज भारतीय दुतवासको प्रयासमा कलैया उपमहानगरपालिका–१० मटिअर्वा बोर्डर खुलेको छ । मटिअर्वा बोर्डरबाट निर्वाध रूपमा चार पाङग्रे आवत जावत खोलिएको छ ।

गत पुस ७ गते भारतीय महावाणिज्य दुत देवि सहाय मिना, महावाणिज्य कन्सुल शशीभुषण कुमार, नेपाल भारत मैत्री संघ मधेश प्रदेश र जिल्ला कार्य समिति लगायतले मटिअर्वा बोर्डर खोलाउन स्थानीय जनप्रतिनिधिसँग छलफलमा महावाणिज्य दुतले खोलाउन प्रतिवद्धता गरेका थिए ।

देशमा महामारीको रूपमा रहेको कोरोना नियन्त्रण गर्न प्रशासनले नेपाल भारत सिमाना स्थित मटिअर्वा बोर्डर बन्द गरेका थिए । भारतिय एस एस बि को उच्च पदस्थ पदाधिकारीसँग नेपाल भारत सिमा स्थित मटिअर्वा बोर्डर बन्द भएको समस्या ’bout अवगत गराई नेपाल भारत सिमा स्थित मटिअर्वा बोर्डर खोलाइएको भारतिय महावाणिज्य कन्सुल शशी भुषण कुमारले जानकारी गराएका छन् ।

मटिअर्वा बोर्डर सुचारु भए पश्चात दुवै देशका नागरिकलाई पर्यटकीय हिसाबले घुमघाम, किनमेल, बिहेवारी, उपचार गराउन लगायतको कार्यमा केही हद सम्म राहत भएको उनले बताएका छन् । नेपाल र भारतसंग रोटीबेटीको सम्बन्ध निरन्तर कायम राख्न भारतिय महावाणिज्य दुतवास सदैव तयार रहेको भारतीय कन्सुले बताए ।

मटिअर्वा नाका सिधै भारतसंग मोतिहारी, पटना लगायतको शहरसंग जोडिएकोले नेपालीवासीहरूलाई भारतमा किनमेल, उपचार गराउन, तिर्थ जान सहज हुने गरेको कलैया वडा १० का वडाध्यक्ष साविर आलमले बताएका छन् ।

नागरिक समाज बाराका अध्यक्ष उमेशलाल दासका अनुसार मटिअर्वा नाकाबाट ठूला सवारी साधन बन्द भएदेखि भारतबाट आउने जानेले समस्या भोग्दै आएका थिए । भारतीय महावाणिज्य दुत देवी सहाय मिनाले जे भने त्यो पुरा गरे उनको यो सहासी कदम प्रशंसनीय योग्य रहेको दासले बताए । महावाणिज्य दुत र भारतीय एस एस बि को अथक प्रयासले मटिअर्वा बोर्डर खुलेकोमा दुवै देशका नागरिकमा खुशी छाएको छ ।

मटिअर्वा बोर्डर खुले देखि भारतीय पर्यटक हर्षित भएका छन् । भारतीय पर्यटकहरू आफ्नो सवारीसाधन लिएर प्रसिद्ध गढीमाई मन्दिर दर्शन गर्न मटिअर्वा बोर्डरबाट प्रतिबन्ध लगाएकोले रक्सौल विरगंज बोर्डर भएर आउने गरेका थिए । जसले पर्यटकहरू करिव ४० किलोमिटरको लामो दुरी पार गर्नुपर्ने अवस्था थियो ।

मटिअर्वा बोर्डर खुले पछि करिब २० किलोमीटर पार गरी गण्डक नहर भएर सिधै मन्दिर दर्शन गर्न पाउने गरेको रक्सौल निवासी गोविन्दा गुप्ताले बताएका छन् । माघे सङ्क्रान्तिको अवसरमा सिधै मटिअर्वा बोर्डरबाट भन्सार कटाई आफ्नो सवारीले गढीमाईको दर्शन गर्न पाएकोमा खुशी भएको उनले बताए ।

आउदो वर्ष मंसिरमा पञ्चवर्षीय गढीमाई मेला लाग्ने भएको छ । पञ्चवर्षीय गढीमाई मेला पुर्व महावाणिज्य दुतवास र भारतिय एस एफ बि को सहयोगमा बोर्डर खुल्ला मन्दिर दर्शन गर्न आउने भारतिय पर्यटक निकै नै हर्षित भएका छन् ।

(४४ पटक भ्रमण गरिएको, आज ४४ पटक भ्रमण गरिएको)