कर्णालीका १० जिल्लामा नेपाली कांग्रेस संगठन सुदृढ यात्रा चैत २ गतेदेखि सुरु हुने भएको छ। सल्यानको कपुरकोटबाट सुरु भएर हुम्लाको सिमिकोट पुगी यात्राको अन्त्य हुने जनाइएको छ।
कांग्रेसका युवा नेता भूपेन्द्रजंग शाहीको अगुवाइमा कर्णाली प्रदेशका स्थानीय तह, वडा हुँदै जिल्लाका नेता÷कार्यकर्ता जनतामाझ पुग्ने जनाइएको छ। नेता कार्यकर्तासँग नियमित नजिकबाट सम्पर्क गरी स्थानीय तथा सामाजिक सरोकारका विषय बुझ्ने र आवाज उठाउने नेता शाहीले बताए।
‘मुख्यतः संगठनलाई गतिशील दिन यात्रा सुरुवात गरिएको हो,’ नेता शाहीले भने, ‘वडा, पालिका र जिल्लामा रहेका नेता कार्यकर्ता माझ पुगी संगठन बलियो बनाउने प्रमुख उद्देश्य हो।’
कांग्रेसलाई सशक्त, सबल, प्रभावकारी, सुदृढ, लोकप्रिय, बलियो र गतिशील पार्टी बनाउन कर्णालीका १० जिल्लाका गाउँगाउँ पुग्ने नेता शाहीले बताए।
‘अनुभवी पुस्तालाई सम्मान गर्दै वर्तमान पुस्ताको ऊर्जालाई अभिवृद्धि गर्ने र भावी पुस्तालाई कांग्रेसमा जोड्ने यात्राको उद्देश्य हो।’
प्रकाशित: २ चैत्र २०८० १०:५१ शुक्रबार