सुर्खेत । कर्णाली प्रदेशका केही बहुसँख्यक जिल्लामा सिनेमा हल छैन । उनीहरुले मोवाईल तथा टिभीमा चलचित्र हेर्ने गरेका छन् । आफ्नो जिल्लामा सिनेमा हल नभए पनि कर्णालीका १० वटा जिल्लाका २५ जना विधार्थीहरु चलचित्र निर्माण कला सिकेका छन् । २३ फागुनदेखि २८ फागुनसम्म सम्पाहव्यापी रुपमा कर्णालीको सुुर्खेतमा आयोजना गरिएको ‘दोश्रो कर्णाली चलचित्र कार्यशाला–२०८०’ मा उनीहरुले चलचित्र कला सिकेका हुन् । आफुहरुले यो कला सिकेपछि छोटा चलचित्र समेत बनाएर विधार्थीहरुले देखाएका छन् ।

चलचित्र विकाश बोर्डका अध्यक्ष एबम् अग्रज अभिनेता भुवन केसीको मास्टर क्लाससँगै सोमबार बेलुकाबाट यो कार्यशाला सकिएको छ । कार्यशालाको अन्तिम प्रोजेक्टको रुपमा विधार्थीहरुले बनाएको ‘नो स्मोकिङ प्जिल’ र ‘डिँ«क प्लिज’ गरी दुईवटा सन्देश मुलक लघु चलचित्र कार्यशाला समापन समारोहमा देखाईयो । कार्यशालामा सहभागी विधार्थी र प्रशिक्षकलाई बोर्ड अध्यक्ष भुवन केसीले प्रमाणपत्र प्रदान गर्दै कार्यक्रम सम्पन्न गरेका छन् ।

नो स्मेकिङ प्लिजको निर्देशन गरेकी कमला पौडेलले यस अघि केही नसिकी सिनेमामा काम गरेको भए पनि यसपटक धेरै कुरा सिकेर सिनेमा निर्देशन गर्न सक्ने भएको बताईन् । ‘कर्णालीका धेरै जिल्लामा हल नभए पनि यो प्रदेश बिकट भए पनि हामी आउँदा दिनमा ठुला साना चलचित्र बनाएर कर्णालीलाई चिनाउने छौं ।’ सिनेमा कला सिकेपछि सुर्खेत पञ्चपुरीका बुद्धी बुढाक्षत्री (किरण)ले भने ।

यस्तै प्रशिक्षार्थी झरना साउदले समापन समारोहमा प्रशिक्षणको अनुभव सुनाउँदै आफुहरुले सोचेको भन्दै चलचित्र’bout धेरै नै कुरा यो कार्यशालामा सिक्न पाएको बताईन्,‘अब हामी स्कृप्ट लेखेर आफैंले निर्देशन गरेर तत्काल सर्ट फिल्महरु बनाउँन सक्छौं ।’ झरनाले भनिन् ।

यो कार्यशालाको स्थानीय संयोजक निर्मल प्याकुरेलले यसपटकको कार्यशाला कर्णालीका उदाउँदै गरेका युवा सिनेकर्मीहरुका लागि निकै फलदायी भएको बताए । उनीहरुको सिकेको प्रशिक्षणका रिजल्ट आफुहरुले चाँडै देख्न पाउने पनि उनले बताए ।

२०७९ सालमा आयोजना गरेको पहिलो कार्यशालाले यहाँका युवाहरुलाई चलचित्र क्षेत्रमा आकर्षित गरेपछि यसपटक उनीहरुलाई एडभान्स कोर्ष सौद्धान्तिक र प्रयोगात्मक रुपमा सिकाईएको आयोजक संस्थाका अध्यक्ष एवम् चलचित्र सेन्सर बोर्ड सदस्य भूपेन्द्र खड्काले समापन समारोहमा बताए ।

सहित उनले सहभागी विधार्थीहरुलाई प्रमाणपत्र प्रदान गर्दै यो कार्यशाला सम्पन्न भएको हो । केवी इन्टरटेनमेन्ट प्रा.लि.को आयोजना तथा चलचित्र विकाश बोर्डको सह आयोजनामा भएको यो कार्यशाला २३ फागुनबाट २८ फागुनसम्म सञ्चालन गरिएको थियो । कर्णाली प्रदेशका १० वटा जिल्लाका २५ जना विधार्थीहरुले यो कार्यशालामा भाग लिएका थिए ।

कार्यशाला समापन समारोहमा आफ्नो भनाई राख्ने क्रममा बोर्ड अध्यक्ष भुवन केसीले भने,‘नेपाली खसभाषाको उद्गम थलो कर्णाली प्राकृतिक र संस्कृतिका हिसावले धनी प्रदेश हो । कर्णालीको कथामा बनेका क्याराभान, कालोपोथी सहित अन्य चलचित्रले अन्तराष्ट्रिय बजारमा नेपाललाई चिनाईसकेको छ ।’ यो चलचित्र कार्यशालामा सहभागी विधार्थीहरुले आउँदा दिनमा चलचित्र क्षेत्रमा राम्रो काम गर्ने विश्वास आफुले लिएको अध्यक्ष केसीले बताए ।

कार्यशालाको समापन समारोहमा दैलेखका अग्रज गायक मोहन गौतमलाई नेपाली लोक संगीत क्षेत्रमा चार दशक भन्दा लामो समय योगदान दिएको भन्दै केवी इन्टरटेनमेन्ट प्रा.लि.बाट बोर्ड अध्यक्ष भुवन केसीले सम्मान गरे । समारोहमा कर्णालीका अग्रज कलाकार प्रेमदेव गिरी, गँगा केसी, सम्मानित व्यक्तित्व मोहन गौतमलगायतले यो कार्यशालाले कर्णालीमा राम्रो चलचित्र, बृत्तचित्र अब निर्माण हुने विश्वास व्यक्त गरे ।

यो कार्यशालामा चलचित्र लेखक÷निर्देशक तथा सञ्चारकर्मी डब्बु क्षत्रीले स्कृप्ट लेखन र चलचित्र निर्देशन, अभिनेत्री एवम् रँगकर्मी सरिता गिरीले अभिनय, सञ्चारकर्मी तथा मेकअप आर्टिष्ट सरिता भारतीले फिल्ममा ‘क्यारेक्टर ट्रान्सफर्मेसन इफेक्ट मेकअप’ प्रशिक्षण दिएका थिए । प्रयोगात्मक रुपमा भएको यो प्रशिक्षणमा उनीहरुलाई दृष्य छायाँकन र स्थलगत अभ्यास सहित सम्बन्धित कला सिकाईएको थियो । कार्यशालामा हरेक विधार्थीले अभिनय र एक्सन कटसँगै आफ्नै कथा दृष्यगत रुपमा भनेका थिए । प्रशिक्षणका क्रममा उनीहरुले आफ्नो फिल्मको चरित्रको सृँगार पनि आफैंले गरेका थिए ।

(29 पटक भ्रमण गरिएको, आज 29 पटक भ्रमण गरिएको)