प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले एनसेल खरिद गर्ने व्यापारीलाई आफूले पनि चिनेको भन्ने प्रधानमन्त्री पुष्पकमल दाहालको अभिव्यक्तिप्रति असन्तुष्टि व्यक्त गरेका छन्।
प्रधानमन्त्री दाहालले संसदको राज्यको व्यवस्था तथा सुशासन समितिको बैठकमा एनसेल खरिद गर्ने व्यापारीलाई ओली र काँग्रेस सभापति शेरबहादुर देउवाले पनि चिनेको बताएका थिए।
आईतवार पार्टीको हालै सम्पन्न झुलाघाट–चिवाभञ्ज्याङः समृद्धिका लागि संकल्प यात्राबारे सञ्चारकर्मीसँग संवाद कार्यक्रममा उनले राज्यको खर्बौं सम्पती नोक्शान हुने खालको बेथिति गर्नु र सो व्यापारी चिन्नु एउटै कुरा हो ? भनि प्रधानमन्त्री दाहाललाई प्रश्न समेत गरे। सो सम्बन्धमा सरकारले लोकलाजको समेत ख्याल नगरेको ओलीको जिकिर थियो। उनले व्यक्तिको फाईदाका लागि राज्यको सम्पती डुबाउने कुरा तत्काल रोकिनुपर्ने बताए।
अध्यक्ष ओलीले भने, ‘यत्रो एनसेल, खर्वौको सम्पती अर्बमा। त्यो त कति प्रतिशत भन्ने? यसरी बेच्ने काम गरिन्छ। अब बेचेको कहिले होइन भन्छ सञ्चार मन्त्रालय। फेरि हो भन्छ–सञ्चार मन्त्रालय। के हो त्यो? अर्कोको हो भन्छ, फेरि अर्काले होइन भन्छ। यस्तो खालको हुनु भएन। यो राज्यको सम्पती केही व्यक्तिको फाईदाका लागि केही व्यक्तिले फाईदा लिएर राज्यको सम्पती डुबाउने खालका यस्ता कामहरु रोकिनु पर्छ। यस्ता थुप्रै समस्याहरु छन्। जो संसदीय समितिहरुमा पनि छलफल, विमर्स भइराखेको छ। सार्वजनिक ढंगले पनि विमर्स भइराखेका छन्। यस्ता कुराहरुतर्फ एउटा विधिको शासन, थितिको शासन र लोकलाज त राखेर काम गर्नुप¥यो नि सरकारले। सरकारको यो बेथिति, अरु अनेक कुराहरुमा। अब त कस्तो भयो भने तपाईहरुको सरकारले यस्तो बेथिति गरेछ नि भन्दा त्यो बेथिति ग¥यो भन्ने व्यापारीलाई त केपी ओली पनि चिन्नुभएको छ नि भनियो । केपी ओलीले नेपालका व्यापारी किन चिन्दैन? चिन्छ नि त। अनि व्यापारी चिन्नु र बेथिति गर्नु एउटै कुरा हो? त्यसकारण यस्ता खालको असान्दर्भिक कुराहरु गरेर ध्यान अर्कातिर मोडेर पाइन्न।’
प्रकाशित: ८ पुस २०८० १६:३३ आइतबार