आज दिनभर मौसम सामान्यतया सफा रहने छ। जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको भन्दै आज बिहानैदेखि देशभरको अधिकांश मौसम सामान्यतया सफा रहेको बताएको छ।
महाशाखाका अनुसार बिहानैदेखि लुम्बिनी, कर्णाली र सुदूरपश्चिम प्रदेशमा आंशिक बदली रही बाँकी प्रदेशहरूमा आंशिक बदलीदेखि मौसम सामान्यतया सफा रहेको छ भने तराईका थोरै स्थानहरूमा हुस्सु/कुहिरो लागेको छ।
आज दिउँसो देशभर आंशिक बदलीदेखि सामान्यतया सफा रहने तथा राति पनि देशभर आंशिक बदलीदेखि सामान्यतया मौसम सफा रहने महाशाखाले जनाएको छ।
महाशाखाका अनुसार भोलि र पर्सि पनि मौसम सामान्यतया सफा रहने छ। आगामी २ दिनसम्म हिमपात र वर्षाको सम्भावना नरहेपनि देशभरको तापक्रम निरन्तर घटिरहेको महाशाखाले जनाएको छ।
महाशाखाले देशभरिको तापक्रम घट्ने क्रममा रहेकोले चिसोबाट बच्न र आवश्यक सतर्कता अपनाउन पनि सबैलाई आग्रह गरेको छ।
प्रकाशित: ५ पुस २०८० ०६:५५ बिहीबार