काठमाडौं । आईएमई लाइफ इन्स्योरेन्स कम्पनीले गत आवको वित्तिय विवरणको आधारमा नयाँ बोनसदर सार्वजनिक गरेको छ । नियामक नेपाल बीमा प्राधिकरणबाट स्वीकृत बोनसदर अनुसार आईएमई लाइफका बीमितले अधिकतम ८० रूपैयाँ बोनस पाउनेछन् ।

कम्पनीले आव २०७९/८० को वित्तिय विवरणमा आधारित नयाँ बोनसदर घोषणा गरेको हो । बिहीवार सार्वजनिक वित्तिय विवरण अनुसार सामूहिक बाल सावधिक बीमा पोलिसीमा न्यूनतम् ३२ रूपैयाँदेखि ७० रूपैयाँँसम्म प्रतिवर्ष र प्रति हजार रूपैयाँ बोनस पाउनेछन् ।

त्यस्तै सावधिक तथा आजिवन बीमा पोलिसीमा बीमा अवधी अनुसार प्रतिवर्ष प्रतिहजार ३२ रूपैयाँदेखि ८० रूपैयाँसम्म बीमितले बोनस पाउनेछन् ।
अग्रिम भुक्तानी तथा आजिवन बीमा पोलिसीमा न्यूनतम् ३२ रूपैयाँदेखि ६३ रूपैयाँ बोनस पाउनेछन् । अग्रिम भुक्तानी सावधिक बीमामा ३० रूपैयाँदेखि ६३ रूपैयाँ बोनसदर घोषणा गरिएको छ । बाल अग्रिम भुक्तानी सावधिक ३० रूपैयाँदेखि ६५ रूपैयाँ बोनस बीमितले पाउनेछन् ।

त्यस्तै, बाल अग्रिम भुक्तानी सावधिक बीमामा न्युनतम् ३० रूपैयाँदेखि ६० रूपैयाँ बोनस निर्धारण गरिएको छ । साथै बार्षिक अग्रिम भुक्तानी बीमा पोलिसीमा सबै अवधीमा २२ रूपैयाँ बोनस निर्धारण गरिएको छ ।