साताको अन्तिम कारोबार दिन बिहीबार सेयर मापन गर्ने परिसूचक नेप्से उच्च अङ्कले गिरावट आएको छ। साताको तीन कारोबार दिन दोहोरो अङ्कले बढेको नेप्से परिसूचक चौथौ र पाँचौं दिन भने उच्च अङ्कले घट्यो।
बिहीबार दिनभरजसो उतारचढावपूर्ण रहेको नेप्से परिसूचक ३०.९२ अङ्कले घटेर १०६७.०१ विन्दुमा झरेको छ। बिहीबार २२६ कम्पनीको सेयर बढ्यो भने १९ कम्पनीको सेयर घट्यो। एक कम्पनीको सेयर स्थिर रह्यो। एक करोड १५ लाख १४ हजार ५ सय ७१ कित्ता सेयर किनबेच हुँदा चार अर्ब १८ करोड ६ लाख ३२ हजार १ सय ३९ रुपैयाँको सेयर किनबेच भयो।
नेपाल स्टक एक्सचेन्जका अनुसार बिहीबार नेप्सेका तीनवटै सूचक घटेर राताम्मे भयो। सेन्सेटिभ सूचक ४.६९ अङ्कले घट्यो भने फ्लोट सूचक पनि २.०८ अङ्कले घट्यो। त्यसैगरी सेन्सेटिभ फ्लोट सूचक भने १.५८ अङ्कले घट्यो। नेप्सेका १३ उपसमूहमध्ये बिहीबार १२ उपसमूह घट्यो भने एक उपसमूह बढ्यो।
बिहीबार फाइनान्सतर्फको उपसमूह ३.७६ अङ्कले बढ्यो। बिहीबार सबैभन्दा धेरै घट्ने उपसमूहमा जीवनबीमा रह्यो। सो उपसमूह १३६.०१ अङ्कले घट्यो। त्यसैगरी निर्जीवनबीमातर्फको उपसमूह पनि १२५.११ अङ्कले घटेको छ। उत्पादन तथा प्रशोधनतर्फको उपसमूह पनि ७७.९९ अङ्कले घटेको छ।
बिहीबार सबैभन्दा धेरै सेयर बढ्ने कम्पनीमा समाज लघुवित्त कम्पनी रह्यो। सो कम्पनीको सेयर ६.१० प्रतिशतले बढेको छ। त्यसैगरी रावा इनर्जी विकास बैंकको सेयर पनि ३.५० प्रतिशतले बढेको छ। त्यसैगरी बिहीबार सबैभन्दा धेरै सेयर घट्ने कम्पनीमा सामलिंग पावर कम्पनी रह्यो। सो कम्पनीको सेयर ९.४२ प्रतिशतले घट्यो। त्यसैगरी मिडसोलु हाइड्रोपावर कम्पनीको सेयर ६.८८ प्रतिशत र मैलुङ हाइड्रोपावर कम्पनीको सेयर पनि ६.४७ प्रतिशतले घट्यो।
साताको पहिलो कारोबार दिन आइतबार नेप्से १०.३७ अङ्कले बढेर २०९४.४६ विन्दुमा पुगेको छ। सो दिन १७३ कम्पनीको सेयर बढ्यो भने ७० कम्पनीको सेयर घट्यो। चार कम्पनीको सेयर स्थिर रह्यो।
आइतबार एक करोड सात लाख ५१ हजार एक सय ६४ कित्ता सेयर किनबेच हुँदा तीन अर्ब ८३ करोड ३७ लाख ७६ हजार पाँच सय ८० रुपैयाँको सेयर कारोबार भयो। साताको दोस्रो कारोबार दिन सोमबार नेप्से १०.२६ अङ्कले बढेर २१०४.७२ विन्दुमा पुगेको थियो।
१५० कम्पनीको सेयर बढ्यो भने ८६ कम्पनीको सेयर घट्यो.। ११ कम्पनीको सेयर स्थिर रह्यो। सोमबार एक करोड २३ लाख २२ हजार सात सय पाँच कित्ता सेयर किनबेच हुँदा चार अर्ब ५६ करोड ६५ लाख २२ हजार दुई सय ३० रुपैयाँको सेयर कारोबार भएको छ।
साताको तेस्रो कारोबार दिन मंगलबार नेप्से १४.८८ अङ्कले बढेर २११९.६१ विन्दुमा पुगेको छ। १५२ कम्पनीको सेयर बढ्यो भने ८५ कम्पनीको सेयर घट्यो। त्यसैगरी १० कम्पनीको सेयर स्थिर रह्यो। सो दिन एक करोड ५१ लाख ७८ हजार तीन सय ६८ कित्ता सेयर किनबेच हुँदा पाँच अर्ब ५४ करोड रुपैयाँको कारोबार भयो।
साताको चौथो कारोबार दिन बुधबार नेप्से परिसूचक २१.६७ अङ्कले घटेर २०९७.९३ विन्दुमा झरेको थियो। सो दिन २१५ कम्पनीको सेयर घट्यो भने २९ कम्पनीको मात्रै सेयर बढ्यो। तीन कम्पनीको सेयरभने स्थिर रह्यो। बुधबार एक करोड ४७ लाख ७७ हजार १ सय २० कित्ता सेयर किनबेच हुँदा ५ अर्ब २९ करोड ५६ लाख ५ हजार ५७ रुपैयाँको सेयर कारोबार भएको थियो।
प्रकाशित: १८ माघ २०८० १६:५२ बिहीबार