काठमाडौं । यही २७ पुषबाट रिलिज हुने चलचित्र ‘चित्रा’को काठमाडौंमा प्रिमियर गरिएको छ । बाबु छोरीको कथा समेटिएको यो चलचित्रलाई प्रिमियरमा हेरेपछि सिनेकर्मी तथा सञ्चारकर्मीहरुले सकरात्मक प्रतिक्रिया दिएका छन् ।
पारिवारिक कथाबस्तुमा आधारित यो चलचित्रमा सन्तोष अधिकारी, प्रमोद अग्रहरी, अर्पण थापा, मेनुका प्रदान, शुभेच्छा खड्का, प्रकाश घिमिरे, अञ्जना बराइली, सिम्रन खड्का, आयुशी ढकाल, कुमार गुरुङ, उज्ज्वल ढकाललगायतको अभिनय रहेको छ ।
यो चलचित्रको प्रिमियरमा पुगेका कलाकारहरु गौरी मल्ल, भुवन केसी, नरेश पौड्याल, निर्मल शर्मा, प्रदिप भारद्वाज, निर्मात्री शर्मिला पाण्डे, निर्देशक दीपेन्द्र के खनाल, ज्ञानेन्द्र देउजा, नवल नेपाल, सुरज पाण्डे, नरेन खड्का, रोहित रुम्बा, निर्मल शर्मा गैंडालगायतले राम्रो प्रतिक्रिया दिए ।
चलचित्र विकास बोर्डका अध्यक्ष भुवन केसीले यो चलिचत्र हेरेपछि डेब्यू अभिनेता सन्तोषको कामलाई निकै राम्रो लागेको बताए,’हेर्दा नव अभिनेता भएपनि सन्तोषको अभिनय निकै प्रभावशाली लाग्यो नेपाली चलचित्र उधोगमा सन्तोषजीको भविष्य उज्वल देखेको छु ।’
निर्मात्री, निर्देशक तथा अभिनेत्री दीपाश्री निरौलाले डेब्यू अभिनेता सन्तोषलाई राम्रो काम गरेकोमा बधाईं दिइन् । अभिनेत्री गौरी मल्लले फिल्ममा छोरीको भूमिकामा काम गरेका आयुशी ढकाल र सिम्रन खड्काको अभिनय सबैभन्दा राम्रो लागेको बताईन् ।
त्यसैगरी निर्देशक नरेश पौड्यालले डेब्यू अभिनेता अधिकारीले फिल्ममा ’इमोशन’मा विविधता दिएको भन्दै तारिफ गरे। उनले अन्य कलाकारको काम राम्रो रहेको बताउँदै प्रमोद र सिम्रन खड्काको अभिनय बहुतै राम्रो लागेको बताए ।
घनश्याम लामिछानेले चलचित्र निर्देशन गरेको यो चलचित्रमा महेश पौडेलको छायांकन, राजनराज सिवाकोटीको संगीत, मनिष गौतमको पटकथा, संवाद, बनिश शाह र सन्देश शाहको संयूक्त सम्पादन रहेको छ । यो चलचित्रको निर्माता आशिष थापा मगर र सन्तोष अधिकारी कार्यकारी निर्माता र एसोसिएट निर्माता राज श्रेष्ठ हुन् । बनिश शाह र सन्देश शाहको संयूक्त सम्पादन रहेको छ ।
(१७ पटक भ्रमण गरिएको, आज १७ पटक भ्रमण गरिएको)